Պատմական փորձը ցույց է տվել, որ, համենայնդեպս, այն երկրների համար, որոնք չունեն ժողովրդավարական ավանդույթներ, կայացած քաղաքացիական հասարակություն, պառլամենտական համակարգերը ավելի արդյունավետ են: Այս մասին, այսօր՝ փետրվարի 15-ին, կառավարության նիստից հետո լրագրողների հետ զրույցում նշեց ՀՀ արտաքին գործերի փոխնախարար Շավարշ Քոչարյանը՝ անդրադառնալով հնչող տեսակետներին, թե Հայաստանում խորհրդարանական համակարգը նպաստելու, որ Ադրբեջանը գնա կոշտ միջոցների, քանի որ չկա ընդգծված գերագույն գլխավոր հրամանատար:
Նա կոչ արեց այդ ամենը չկապել համակարգի հետ. «Պատմական փորձը ցույց է տվել, որ, համենայնդեպս, այն երկրների համար, որոնք չունեն ժողովրդավարական ավանդույթներ, կայացած քաղաքացիական հասարակություն, պառլամենտական համակարգերը ավելի արդյունավետ են կայացման տեսակետից, ինչպես նաեւ անվտանգություն ապահովելու տեսակետից», - ասաց Շավարշ Քոչարյանը:
Նա բերեց Իսրայելի օրինակը՝ նշելով, որ Իսրայելը շրջապատված է իր համար թշնամական միջավայրում, բայց խորհրդարանական երկիր է, իսկ հարեւան երկրները նախագահական են:
