Կառավարության եւ իշխանության կարեւոր խնդիրներից մեկը թաքնված զբաղվածությունն է, որտեղ եկամուտներ հավաքագրելու խնդիրներ կան: Այս մասին, այսօր՝ փետրվարի 16-ին, ԱԺ արտահերթ նիստում Հարկային օրենսգրքի փոփոխությունների վերաբերյալ օրենքի նախագծի քննարկման ժամանակ հայտարարեց ՀՅԴ խմբակցության քարտուղար Աղվան Վարդանյանը:
Նրա խոսքով, հաջորդ կարեւոր խնդիրը ստվերային աշխատավարձն է, երբ մարդուն գրում են 55 հազար դրամ աշխատավարձ, բայց տալիս են ասենք 120 հազար դրամ. «Եթե չկարողանանք այս խնդիրը լուծել, ստվերը անընդհատ աճելու է, որքան էլ հարկային օրենսգիրքն ու վարչարարությունը փոփոխենք»,-ընդգծեց Վարդանյանը:
Երրորդ խնդիրը՝ ըստ ՀՅԴ պատգամավորի, աշխատողների իրավունքների պաշտպանության ինստիտուտն է. «Այստեղ մենք ունենք սարսափելի իրավիճակ, երբ մարդը կարող է աշխատել 10-12 ժամ, ու չունի որեւէ պաշտպանվածություն: Սա կապված է նախորդ երկուսի հետ, երբ մարդուն աշխատեցնում են չեն գրանցում, աշխատեցնում են սեւ աշխատավարձ են տալիս ու նա պաշտպանվածություն չունի, որ կարողանա իր իրավունքներն իրացնել:
«Ամենակարեւորը, պետության պարտավորությունն է սոցիալապես անապահով շերտերին հասցեական աջակցության տրամադրումը: Խոսքը վերաբերում կենսապահովման նվազագույն զամբյուղին, դրա արձանագրմանը եւ դրա հանդեպ պետության պարտավորությանը: Եկեք ֆիքսենք այս մեծությունները, որ հստակ լինի ամեն բան»,- իր խոսքն ամփոփեց Աղվան Վարդանյանը:
Խոցելի խավին 1000 դրամով աջակցելն ամենաողորմելի ինստիտուտն է. Բոստանջյան
Ցանկացած գնով քաղաքացիների եկամուտների ավելացումն անթույլատրելի է. ՀՀԿ
Որքա՞ն է իրականում կազմել գնաճը. Փաշինյանի ուսումնասիրությունը հետաքրքիր փաստեր է պարզել
