Հատուկ ծառայությունները կարող են արդյունավետ գործիք դառնալ Հյուսիսային Կորեայի իշխանությունների ձեռքին Կորեական թերակղզում զինված հակամարտության ծագման պարագայում, հաղորդում է National Interest-ը։
Պարբերականը, վկայակոչելով Պենտագոնի զեկույցը, նշում է, որ Հյուսիսային Կորեան ունի երկու հիմնական հատուկ ծառայություններ, որոնք պատասխանատու են հետախուզական գործունեության համար:
Առաջինը զբաղվում է արտաքին հետախուզությամբ եւ գաղտնի գործողություններով: Երկրորդ գործակալությունը պատասխանատու է հակահետախուզության համար: Սակայն Հարավային Կորեայում գործում են եւս երկու գործակալություններ, որոնք գործում են Հարավային կորեայի տարածքոում:
Պենտագոնում պնդում է, որ գերատեսչությունն անմիջականորեն պատասխանատու է Հյուսիսային Կորեայի առաջնորդ Կիմ Չեն Ընին:
Մյուս երկու հատուկ ծառայությունների գործունեությունն ուղղակիորեն կապված է Հարավային Կորեայի հետ: Այսպես, Միասնական ճակատի բաժինը զբաղվում է Հարավում հյուսիսկորեամետ խմբերի ստեղծման եւ միջկորեական բանակցությունների համար:
Երկրորդ հատուկ ծառայության մարմինը, որը Պենտագոնի զեկույցում անվանվում է 225-րդ Բյուրո, ընդհատակում է աշխատում։ Ամերիկյան զինվորականների փոխանցմամբ՝ այն պատասխանատու է Հարավային Կորեայում գործակալների պատրաստման համար, ինչպես նաեւ ընդհատակյա կազմակերպությունների ստեղծմամբ, որոնք զբաղվում են անկարգություններ ու հեղափոխություններ հրահրելով։
National Interest-ը շեշտում է, որ հատուկ ծառայությունները Հյուսիսային Կորեայի հիմնական սյուներից մեկն են: Փորձագետները կարծում են, որ Հյուսիսային Կորեայի գործակալները կարող են հաջողությամբ գործել արտասահմանում: Այսպես, Հյուսիսային Կորեայի հատուկ ծառայություններին են վերագրվում Կիմ Չեն Ընի ավագ եղբոր՝ Կիմ Չեն Նամի սպանությունը:
Պարբերականում նշել են նաեւ, որ հյուսիսկորեական հատուկ ծառայությունները կարող են հաջողությամբ օգտագործվել զինված հակամարտության պարագայում։
