Մեծ Բրիտանիայի ԱԳ նախարար Բորիս Ջոնսոնը ողջունել է ՄԱԿ ԱԽ Սիրիայի ճգնաժամի հարցով վերջին բանաձեւի ընդունումը եւ հակամարտող կողմերին կոչ է արել ռազմական գործողությունների դադարեցման ռեժիմը լիամասշտաբ պահպանել: Այս մասին նշված է Ջոնսոնի հայտարարության մեջ, որը հրապարակվել է Twitter-ի նրա էջում, փոխանցում է ՏԱՍՍ-ը:
«Ես ողջունում եմ ՄԱԿ Անվտանգության խորհրդի Սիրիայի հարցով թիվ 2401 բանաձեւի այսօրվա միաձայն ընդունումը: Առկա է հումանիտար օգնություն ցուցաբերելու եւ Սիրիայի ամբողջ տարածքում բժշկական տարհանում անցկացնելու հապշտապ անհրաժեշտություն, բայց հատկապես Արեւելյան Գուտայում»,- նշված է հաղորդագրության մեջ:
I welcome unanimous adoption of #UN Security Council Resolution 2401 on #Syria today. Humanitarian aid and medical evacuations urgently needed across Syria, but particularly Eastern Ghouta. Those with influence over the regime must now ensure ceasefire is implemented in full.
— Boris Johnson (@BorisJohnson) 24 февраля 2018 г.
Ջոնսոնը նաեւ պահանջել է, որպեսզի Սիրիայի իշխանությունների դաշնակից երկրները երաշխավորեն Դամասկոսի կողմից ընդունված բանաձեւի դրույթների կատարումը: «Նրանք, ովքեր ազդեցություն ունեն Սիրիայի նախագահ Բաշար Ասադի վրա, հիմա պետք է ապահովեն, որ հրադադարի ռեժիմն ամբողջությամբ կատարվի»,- հայտարարել է Բրիտանիայի ԱԳ նախարարը:
ՄԱԿ ԱԽ-ն Սիրիայում 30-օրյա զինադադարի հաստատման մասին միաձայն բանաձեւ է ընդունել