Ոստիկանության աշխատակիցները մարտի 24-ին Դավիթաշենի կամրջի վրա կանխել են Երևանի բնակիչ, 34-ամյա Մ․ Ա.-ի ինքնասպանության փորձը:
Shamshyan.com-ի փոխանցմամբ, ոստիկաններին, ովքեր ծառայություն էին կատարում, ժամը 23:10-ի սահմաններում մոտեցել են 2 քաղաքացի և հայտնել, որ մի աղջիկ կամրջի վտանգավոր եզրագիծն անցել և սպառնում է իրեն ցած նետել: Ոստիիկանները կարողացել են բանակցությունների արդյունքում կնոջը հետ բերել կամրջի վտանգավոր եզրագծից, որից հետո տեղափոխել են ոստիկանության Մաշտոցի բաժին:
Աղբյուրի տեղեկություններով՝ նա աշխատում է Երևանում գործող հիվանդանոցային համալիրներից մեկում՝ որպես բուժքույր և իր կողմից ծայրահեղ այդ քայլին դիմելու դրդապատճառը համարել է սոցիալական խնդիրները: