Երիտասարդ եւ պրոֆեսիոնալ կադրերի բացակայությունն այն հիմնական խնդիրն է, որը խոչընդոտում է Հայաստանում աստղագիտության զարգացմանը: Այս մասին ապրիլի 12-ին հայտարարեց Հայաստանի Հանրապետության Գիտությունների ազգային ակադեմիայի Վիկտոր Համբարձումյանի անվան Բյուրականի աստղադիտարանի փոխտնօերն Հայկ Հարությունյանը:
Նրա խոսքով՝ իրավիճակը 90-ականների եւ 2000-ականների սկզբի համեմատ դեպի լավն է փոխվել: Դա պայմանավորված էր նրանով, որ ֆինանսավորումն այժմ ավելի ընդունելի մակարդակի վրա է: Բացի դրանից, աստղագիտի մասնագիտության նկատմամբ հետաքրքրությունն աճում է: «Սակայն մինչ օրս մեր առջեւ կանգնած է երիտասարդ եւ պրոֆեսիոնալ կադրերի ներհոսքի սուր խնդիրը»,- միեւնույն ժամանակ խոստովանեց Հարությունյանը:
Ընդ որում, նա նշեց, որ մասնագիտության մեջ երիտասարդ կադրերի ներհոսք կլլինի, երբ մասնագետները վստահ լինեն, որ, աշխատելով այս ոլորտում, նրանք կարող են բավարարել ոչ միայն իրենց գիտական հավակնությունները, այլեւ՝ լուծել հրատապ սոցիալական հարցերը:
Գիտնականի խոսքով՝ վերջին տարիներին Բյուրականի աստղադիտարանում լայնամասշտաբ աշխատանքներ են իրականացվել, ինչի արդյունքում նորացվել է ոչ միայն շենքը, այլեւ 2.6 մետր տրամագծով աստղադիտակը, որն ամենահզորն է տարածաշրջանում: Այս ամենը հնարավորություն տվել մեծացնել աստղադիտարանի նկատմամբ հետաքրքրությունը: «Այժմ ապրիլ-հոկտեմբեր ամիսներին աստղադիտարանը յուրաքանչյուր օր մինչեւ հարյուր մարդ է այցելում, ընդ որում՝ ինչպես ցերեկային, այնպես էլ գիշերային ժամերին»,- նշեց փոխտնօրենը:
Հայկ Հարությունյանի խոսքով՝ աստղադիտակը ծառայում է գիտնականներին արդեն կես դար: Կառավարման համակարգը վաղուց արդեն հնացել է, եւ սարքը «վերակենդանացնելու» համար համապատասխան դետալներ են անհրաժեշտ: Իշխանություններն օգնել են փոխարինել շարժիչ մեխանիզմը: Աստղադիտակի օգնությամբ մենք գիտնականները հետեւում են աստղերին եւ այլ տիեզերկան օբյեկտներին: Հայ գիտնականներից բացի, աստղադիտակի օգնությանը դիմում են նաեւ արտասահմանցի գիտանականները:
Նա հիշեցրեց, որ, Հայաստանի կառավարության որոշմամբ, աստղադիտարանը ազգային ժառանգության օբյեկտ է ճանաչվել, ինչը թույլ է տվել մեծացնել ֆինանսավորումը: «Վերջին տարիներին մենք ակտիվորեն համագործակցում ենք «Ռոսկոսմոս»-ի հետ: Իսկ 2015 թվականին Աստղագետների միջազգային միությունը մեզ աստղագիտության զարգացման տարածաշրջանային կենտրոնի կարգավիճակ շնորհեց», - ավելացրեց Բյուրականի աստղադիտարանի փոխտնօրենը:
Հիշեցնենք, որ աստղադիտարանը հիմնադրվել է 1946 թվականին աշխարհահռչակ ակադեմիկոս Վիկտոր Համբարձումյանի կողմից: Նա ղեկավարել է այն 42 տարի:
