Եվրոպական խորհրդարանւը Գազայի հատվածում տիրող իրավիճակի շուրջ կողմերին առավելագույն զսպվածություն ցուցաբերելու կոչ է անում եւ շեշտում, որ առաջնահերթ խնդիր է ցանկացած նոր էսկալացիայից եւ զոհերից խուսափելը: Այս մասին ՏԱՍՍ-ի հաղորդմամբ՝ նշվում է ընդունված բանաձեւում:
«Եվրոպական խորհրդարանը կողմերին առավելագույն զսպվածություն ցուցաբերելու կոչ է անում եւ շեշտում, որ առաջնահերթ խնդիր է ցանկացած նոր էսկալացիայից եւ զոհերից խուսափելը:
Նա ափսոսանք է հայտնում մարդկանց մահվան կապակցությամբ եւ դատապարտում է այն փաստը, որ վերջին երեք շաբաթվա ընթացքում Գազայի հատվածում սպանվել կամ վիրավորվել են անմեղ պաղեստինցի ցուցարարները», - ասվում է ընդունված բանաձեւում: Եվրախորհրդարանի պատգամավորները կոչ են անում Իսրայելի Պաշտպանության ուժերին ձեռնպահ մնալ անզեն ցուցարարների դեմ մահացու մեթոդների կիրառումից»:
Միեւնույն ժամանակ, բանաձեւը նշում է, որ Եվրոպական խորհրդարանը «հաշվի է առնում Իսրայելի անվտանգության համար գոյություն ունեցող սպառնալիքները եւ իր տարածքն ու սահմանները պաշտպանելու նրա անհրաժեշտությունը` օգտագործելով համաչափ մեթոդներ»: Բանաձեւը «դատապարտում է ՀԱՄԱՍ-ի եւ Իսրայելի դեմ Գազայի հատվածից պայքարող այլ խմբավորումների ահաբեկչական հարձակումները, մասնավորապես` հրթիռների արձակումը եւ թունելների ստեղծմամբ Իսրայելի տարածք գաղտնի ներթափանցումը»:
Իր փաստաթղթում Եվրախորհրդարանը պահանջել է «շրջափակման անմիջական եւ անվերապահ վերացում ու Գազայի հատվածի մուտքի փակման չեղարկում, քանի որ այդ միջոցները հանգեցնում են ողջ տարածաշրջանում հումանիտար ճգնաժամի խորացմանը»: Ստրասբուրգում նաեւ անհրաժեշտ են համարում, որ «Պաղեստինի պետության վարչակազմին հնարավորություն տրվի վերադառնալ Գազայի հատված եւ այնտեղ իրականացնել կառավարական կառավարում, ինչը պետք է առաջնահերթություն համարվի »:
Միեւնույն ժամանակ, բանաձեւը նշում է, որ «ՀԱՄԱՍ-ը շարունակում է պահել բնակչությանն իր վերահսկողության եւ ճնշման տակ» եւ որ «այս տարածքը մնում է միջազգային ահաբեկչական կազմակերպությունների համար ակտիվ գործողությունների գոտի»: