Մոսկվան Երեւանի հետ հարաբերություններում իրականացնում է իր պարտավորությունները, այդ թվում՝ Ղարաբաղյան հակամարտության հարցում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է «ՌԻԱ Նովոստի»–ն։

Զախարովան ավելի վաղ հաղորդել էր, որ ՌԴ ԱԳ նախարար Սերգեյ Լավրովը  չորեքշաբթի Մոսկվայում հանդիպում է ունեցել Հայաստանի արտգործնախարար Էդվարդ Նալբանդյանի հետ։

«Մենք կապը պահում ենք Երեւանի հետ, այն չի ընդհատվել»,–հայտարարել է Զախարովան ճեպազրույցի ժամանակ։ Նրա խոսքով՝ երկու երկրների դիվանագետները պետք է մտածեն համատեղ ապագա կառուցելու շուրջ։

«Այն ամենը, ինչ կախված է Ռուսաստանի Դաշնությունից, որ այդ կապերը կերտվեն եւ դեպի ապագա ուղղված լինեն, Ռուսաստանն արել է։ Ես կարծում եմ՝ դրանում անհնար է մեզ նախատել։ Դրանք հարցեր են, որոնք կապված են երկկողմ զարգացումների, տարածաշրջանային խնդիրների հետ, որոնք, ցավոք, իսկական վերք են համապատասխան երկրների `Հայաստանի եւ Ադրբեջանի համար: Մենք կատարել ենք մեր պարտականությունները եւ կելնենք բոլոր այն պարտավորություններից, որոնք ունենք»,–հայտարարել է Զախարովան։