Բարդ իրավիճակ է ստեղծվել, եւ ես չեմ հավակնում իրավիճակի մեկնաբանություն ու բացատրություն տամ: Այս մասին, այսօր՝ ապրիլի 27-ին, ԱԺ-ում լրագրողներին հայտնել է «Ծառուկյան» խմբակցության պատգամավոր Վարդան Փոստանջյանը:

Դիտարկմանը, որ Նիկոլ Փաշինյանը հորդորել է ժողովրդին մայիսի 1-ին (ԱԺ-ում այդ օրն է տեղի ունենալու վարչապետի ընտրությունը-խմբ) հեղեղել Երեւանի փողոցները, փակել ԱԺ-ն, Բոստանջյանը արձագանքեց. «Ես որպես պատգամավոր չեմ կարող հեղեղել փողոցը, պետք է գամ Ազգային ժողով»:

Հարցին, թե ում օգտին է քվեարկելու այդ օրը, պատգամավորը պատասխանեց. «Ինչպիսի որոշում կայացնի խմբակցությունը»:

Հիշեցնենք, որ ԱԺ պատգամավոր, «Իմ քայլը» նախաձեռնության առաջնորդ Նիկոլ Փաշինյանի գլխավորած շարժման 11 օր տեւած բողոքի ակցիաներից հետո, ապրիլի 23-ին Սերժ Սարգսյանը հրաժարական է տվել:

Փաշինյանը հայտարարել էր, որ ապրիլի 25-ին իշխանությունների հետ շարունակելու են բանակցությունները՝ իշխանության անցնցում փոխանցման շուրջ, սակայն ապրիլի 24-ի երեկոյան պարզ դարձավ, որ հանդիպումը չի կայանա: Կարեն Կարապետյանը հայտարարել է, որ Փաշինյանը միակողմանի նոր պահանջներ է առաջադրել:

Արդեն երեկ՝ ապրիլի 26-ին, Փաշինյանը Կարեն Կարապետյանին կրկին հրավիրել էր ապրիլի 27-ին, ժամը 12-ին «Արմենիա Մարիոթ» հյուրանոցում՝ սկսելու բանակցությունների երկրորդ փուլը՝ լրատվամիջոցների ներկայությամբ:

Վարչապետի պաշտոնակատար Կարեն Կարապետյանի մամուլի խոսնակ Արամ Արարատյաննն այսօր հայտարարել է, որ Կարեն Կարապետյանն անհեռանկարային է համարում Նիկոլ Փաշինյանի հետ «բանակցությունները»՝ մերժելով հանդիպումը:

Միգուցե ես փոշմանել եմ, այո. Ծառուկյանի պատգամավոր փեսան՝ Սերժ Սարգսյանին կողմ քվեարկելու մասին