Իրանի դեմ ԱՄՆ պատժամիջոցները կտարածվեն նաեւ ԱՄն դաշնակիցների վրա անհրաժեշտության պարագայում։

Իրանի նկատմամբ միջուկային համաձայնագրից դուրս գալուց հետո  Վաշինգթոնի նոր ռազմավարությունը ներկայացնելիս Մայք Պոմպեոն  հասկացնել է տվել, որ Թրամփի վարչակազմը պատրաստ է բաժանվել դաշնակիցներից եւ նույնիսկ նրանց նկատմամբ պատժամիջոցներ կիրառել անհրաժեշտության պարագայում։ «Մենք հասկանում ենք, որ իրանական վարչակազմի նկատմամբ ճնշումը ֆինանսական եւ տնտեսական դժվարություններ է ստեղծում մեր բարեկամների համար։ Բայց նրանք պետք է իմանան, որ մենք պատասխան կպահանջենք բոլոր նրանցից, որոնք Իրանի հետ արգելված բիզնեսով կզբաղվեն»,–նշել է Մայք Պոմպեոն։

Նա նշել է, որ Պետդեպը կաշխատի Պենտագոնի եւ դաշնակիցներիհետ Իրանին հակահարված տալու համար։ «Իրանական վարչակազմը պետք է իմանա, որ սա միայն սկիզբն է»,–նշել է պետքարտուղարը՝ հավելելով, որ եթե Իրանը փոխի իր պահվածքը, Վաշինգթոնը կչեղարկի պատժամիջոցները։