Կորեական թերակղզու լիակատար ապամիջուկայնացման Հյուսիսային Կորեայի ձգտումը կարեւոր քայլ է բարգավաճ ապագայի ճանապարհին: Այս մասին Twitter-ում նշել է Մեծ Բրիտանիայի ԱԳ նախարար Բորիս Ջոնսոնը՝ այս կերպ մեկնաբանելով Հյուսիսային Կորեայի առաջնորդ Կիմ Չեն Ընի եւ ԱՄՆ նախագահ Դոնալդ Թրամփի հանդիպումը, փոխանցում է ՏԱՍՍ-ը:
«Ողջունում ենք նորությունը, որ Թրամփն ու Կիմ Չեն Ընը Սինգապուրում կառուցողական բանակցություններ են վարել: Կորեական թերակղզու լիակատար ապամիջուկայնացման Հյուսիսային Կորեայի ձգտումը կարեւոր առաջին քայլն է կայուն ու բարգավաճ ապագայի ճանապարհին»,- ասել է նա:
Հիշեցնենք, որ Կիմ Չեն Ընի եւ Դոնալդ Թրամփի հանդիպումը տեղի է ունեցել երեքշաբթի Սենտոս կղզու Capella հյուրանոցում: Կողմերը բանակցությունների արդյունքներով ամփոփիչ համատեղ փաստաթուղթ են ստորագրել, որում գագաթնաժողովը «դարակազմիկ իկրադարձություն» է անվանվել, որը վկայում է «տասնամյակներ շարունակ երկրների միջեւ եղած լարվածության եւ թշնամանքի հաղթահարման մասին»: Թրամփը եւ Կիմ Չեն Ընը «պարտավորվել են ամբողջ ծավալով եւ անհապաղ կատարել համատեղ հայտարարության դրույթները»: Փաստաթղթի համաձայն, որը Թրամփը ցուցադրել է լրագրողներին, Հյուսիսային Կորեան Կորեական թերակղզին ապամիջուկայնացնելու պարտավորություն է ստանձնել՝ ԱՄՆ կողմից անվտանգության երաշխիքների դիմաց:
Welcome the news that President Trump and Kim Jong Un have held constructive talks in Singapore. The DPRK’s commitment to complete denuclearisation of the Korean Peninsula is an important first step towards a stable and prosperous future.
— Boris Johnson (@BorisJohnson) 12 июня 2018 г.
