Սեուլի եւ Փհենյանի ներկայացուցիչները բանակցություններ են վարում 1950-53 թվականներին Կորեական պատերազմի ժամանակ բաժանված ընտանիքների վերամիավորման գործընթացի վերսկսման շուրջ, փոխանցում է AP-ն:
Հարավային Կորեայի արդարադատության նախարարությունը հայտարարել է, որ հանդիպման ընթացքում կքննարկվեն համաձայնագրի իրականացման ուղիները, ինչի մասին պայմանավորվածությունը ձեռք էր բերվել Հարավային Կորեայի նախագահ Մուն Ջեինի եւ Հյուսիսային Կորեայի առաջնորդ Կիմ Չեն Ընի հանդիպման ընթացքում:
Երկու Կորեաների առաջնորդներն իրենց առաջին հանդիպման ժամանակ համաձայնել էին ընտանիքների վերամիավորման գործընթացնիրականացնել մինչեւ օգոստոսի 15-ը, երբ երկու կողմերն էլ նշում են Երկրորդ համաշխարհային պատերազմի վերջում ճապոնական գաղութային տիրապետությունից Կորեական թերակղզու անկախության տարեդարձը: Ակնկալվում է, որ բանակցությունների ընթացքում որոշվելու է վերամիավորման ճշգրիտ օրը եւ վայրը, ինչպես նաեւ՝ երկու երկրներում մասնակից անձանց ճշգրիտ թիվը:
«Եթե մենք վճռականորեն հեռանանք անհաժող անցյալից եւ նոր ժամանակներում ուժեղ մտածողություն ձեռք բերենք, ապա Հյուսիսի եւ Հարավի միջեւ հումանիտար համագործակցությունը կբարգավաճի»,- հանդիպման սկզբում ասաց Հյուսիսային Կորեայի պատվիրակ Պակ Յուն Իլը: