Բացարձակապես անիրատեսկան է սպասել, որ Իրանը կհեռանա Սիրիայից եւ կդադարի խաղալ իր դերը տարածաշրջանում: Այս մասին Հորդանանի արտաքին գործերի նախարարի հետ բանակցություններից հետո կայացած մամուլի ասուլիսի ժամանակ ՌԴ ԱԳ նախարար հայտարարել է ՌԴ ԱԳՆ ղեկավար Սերգեյ Լավրովը, փոխանցում է «ՌԻԱ Նովոստի»-ն:
Նրա խոսքով՝ արեւմտյան ԶԼՄ-ներում Իրանի հարցը քննարկվում է չափազանց պարզեցված համատեքստում: Մասնավորապես, ինչպես նշել է նախարարը, անփորձ ընթերցողների եւ հեռուստադիտողի համար ասվում է, որ Իրանը պետք է դուրս գա Սիրիայից, «եւ այդ ժամանակ ամեն ինչ տեղը կընկնի»:
«Ընդ որում, դա պրոյեկտվում է ոչ միայն Սիրիայի, այլ՝ ամբողջ տարածաշրջանի վրա: Իրանը, իբր, պետք հեռանա բոլոր տեղերից, եւ այդ ժամանակ ամենուր երջանկություն կլինի»,- ասաց ռուս նախարարը: «Հասկանալի է, որ դա բացարձակապես անիրատեսական է, եւ որ լուծել խնդիրները տարածաշրջանում առանց դրա առանցքային երկրների, այդ թվում՝ Իրանի, Սաուդյան Արաբիայի, Հորդանանի, Եգիպտոսի եւ շատ ուրիշների, չի ստացվի»,- ասել է Լավրովը:
