News
Լրահոս
News
Հինգշաբթի
Օգոստոս 16
Տեսնել լրահոսը

Գարեգին Բ Ամենայն Հայոց Կաթողիկոսը հուլիսի 15-ին, Մայր Աթոռ Սուրբ Էջմիածնում ընդունեց Եգիպտոսի Հայոց թեմի հայկական ազգային վարժարանի սաներին, ովքեր Հայաստան էին ժամանել Թումոյի ամառային ճամբարին մասնակցելու նպատակով: Սաներին ուղեկցում էր Եգիպտոսի հայոց թեմի առաջնորդ Գերաշնորհ Տեր Աշոտ եպիսկոպոս Մնացականյանը:

Մայր Աթոռ Ս. Էջմիածնի տեղեկատվական համակարգից NEWS.am-ին հայտնում են, որ Սրբազան Հայրը Նորին Սրբությանը ներկայացրեց ուխտավոր հայորդիներին, անդրադարձավ Հայաստան կատարած այցի արդյունավետությանը եւ ուսումնական դասընթացի օգտակարությանը:

Այնուհետեւ Ամենայն Հայոց Կաթողիկոսն իր գնահատանքը հայտնեց Եգիպտոսի հայոց թեմի առաջնորդին, թեմական խորհրդի անդամներին եւ վարժարանի տնօրինությանը ջերմեռանդ ծառայության, հայի ինքնության պահպանմանն ուղղված ծրագրերի եւ նման օգտաշատ նախաձեռնության կազմակերպման համար:

Վեհափառ Հայրապետը, իր հայրական օրհնությունը փոխանցելով ուխտավոր հայորդիներին, ուրախությամբ հաստատեց, որ նրանք կվերադառնան Եգիպտոս՝ հայրենիքից ստացած հոգեւոր լիցքերով եւ ներշնչված երկրի պատմամշակութային արժեքներով ու սրբություններով:

Նորին Սրբությունը հույս հայտնեց, որ քաղցր հուշերը կոգեշնչեն նրանց իրենց հետագա ուսումնառության մեջ, որպեսզի գերազանց սովորեն եւ իրենց արձանագրած հաջողություններով էլ ավելի բարձրացնեն հայ ժողովրդի պատիվը:

Գարեգին Բ Կաթողիկոսը հորդորեց ազգային վարժարանի սաներին համայնքային կյանքում իրենց ակտիվ ներգրավվածությամբ շարունակել ծաղկեցնել իրենց համայնքն ու տիրախնամ թեմը:

Նույն օրը Ամենայն Հայոց Հովվապետը հանդիպեց նաեւ ԱՄՆ Հայոց Արեւմտյան թեմի Լոս Անջելեսի Ս. Հակոբ եկեղեցու ուխտավորների հետ՝ առաջնորդությամբ հոգեւոր հովիվ Արժանապատիվ Տ. Հարություն քահանա Թաշչյանի:

Ուխտավորները Մայր Տաճարում մասնակցեցին Ս. Պատարագին, այցելեցին Մայր Աթոռի թանգարաններ:

Տպել
Կարդացեք նաև
Ամբողջը
Փոքրամասնությունն է ճնշում մեծամասնությանը. հոգեւորականը՝ Շուռնուխի դեպքերի մասին
Եկեղեցին երբեք չի ասում՝ այս մարդկանց պետք է խարույկի վրա այրել, ծեծել...
Նիկոլ Փաշինյանը հեռախոսազրույց է ունեցել Երուսաղեմի հայոց պատրիարքի հետ
Հեռախոզազրույցը տեղի է ունեցել Երուսաղեմի հայոց պատրիարքության նախաձեռնությամբ...
Կրոնական առաջնորդները իրենց հայտարարությամբ ապացուցեցին, որ Թուրքիայում ճնշումներ կան. Կարո Փայլան
Հայտարարության տակ կա նաեւ Պոլսո հայոց փոխպատրիարք, արք. Արամ Աթեշյանի ստորագրությունը...
Թուրքիայի կրոնական փոքրամասնությունների առաջնորդները հայտարարություն են տարածել. միացել է նաեւ արք. Աթեշյանը
Նախկինում ծագած բազմաթիվ խնդիրներն ու դժվարությունները ժամանակի ընթացքում լուծվել են...
Ուժգորոդում քննարկել են հայկական եկեղեցի կառուցելու հարցը
Ուժգորոդում կայացել է Ուկրաինայի հայերի միության երկրորդ եռամսյակային համաժողովը...
Գարեգին Բ-ն եւ Մանե Թանդիլյանը քննարկել են Մայր Աթոռի եւ նախարարության միջեւ գործակցությանն առնչվող հարցեր
Այս առնչությամբ քննարկվեցին նախարարության եւ Մայր Աթոռի Սոցիալական ծառայությունների գրասենյակի միջեւ գործակցությանն առնչվող հարցեր…
Partner news