![](img/news/04/62/36/default.jpg)
Քաղաքական իրավիճակը առաջիկա տարում լինելու է բարդ ու լարված։ Այս մասին լրագրողների հետ հանդիպման ժամանակ հունվարի 29-ին հայտարարեց ԱԺ ԲՀԿ խմբակցության պատգամավոր Վարդան Բոստանջյանը։ Նա նշեց, որ լարվածությունը պայմանավորված կլինի այն հանգամանքով, որ տարին նախընտրական է, եւ բոլոր քաղաքական ուժերը նախապատրաստվում են խորհրդարանական ընտրություններին։ «Կլինեն որոշակի շիկացումներ, բայց տա Աստված, որ դրանք չլինեն ընդհարումների տեսքով»,-հայտարարեց Բոստանջյանը:
Նա հույս հայտնեց, որ չնայած լարվածությանը, այնուամենայնիվ, քաղաքական գործընթացները կընթանան նորմալ հունով։
Հարցին, թե ԲՀԿ-ն քանի տոկոս ներկայացվածություն կունենա հաջորդ խորհրդարանում, Բոստանջյանն արաձագանքեց. «ԲՀԿ-ն ունի բարձր վարկանիշ։ Եւ չեն ուզում այդ վարկանիշի քանակական արտահայտման վերաբերյալ որեւէ բան հայտնել։ Միայն հաջորդ ընտրությունների արդյունքները ցույց կտան, թե հասարակության ո՞ր մասն է կողմնորոշվել դեպի մեր կուսակցությունը»,- ասաց պատգամավորը։
Նշենք, որ Հայաստանում խորհրդարանական ընտրությունները տեղի են ունենալու 2012 թվականին, իսկ 2013-ին՝ նախագահական ընտրությունները։ Գործող խորհրդարանում առկա է հինգ քաղաքական ուժ՝ ՀՀԿ, ԲՀԿ, ՕԵԿ, ՀՅԴ եւ «Ժառանգություն»։