News
Լրահոս
News
Հինգշաբթի
Սեպտեմբեր 20
Տեսնել լրահոսը


Առողջապահության նախարարությունում այսօր արտակարգ իրավիճակ էր: Մի քաղաքացի զանգահարել է «911» ծառայություն եւ հայտնել, թե պատրաստվում է պայթեցնել նախարարության շենքը: Փրկարարներն արագորեն տարհանել են աշխատակիցներին:

Ավելի ուշ պարզվել է, որ ահազանգը կեղծ է: Նշենք, որ կառավարության 3-րդ մասնաշենքում, որտեղ տեղակայված է առողջապահության նախարարությունը, այլ գերատեսչություններ եւս կան: Ավելի ուշ առողջապահության նախարարությունը հայտնել է, որ ահազանգի հեղինակն առողջական խնդիրներ ունեցող քաղաքացի է, որն իր արարքը պատճառաբանել է դեղերի ձեռքբերման դժվարությամբ: Նախարարությունը հնարավորության սահմաններում քաղաքացուն աջակցելու պատրաստակամություն է հայտնել:

Յուրի Խաչատուրովը Հայաստանի Հանրապետության քաղաքացի է: Նրա պաշտպան Միհրան Պողոսյանը հերքել է մամուլում շրջանառվող լուրերը, թե ՀԱՊԿ գլխավոր քարտուղարը Ռուսաստանի քաղաքացիություն ունի: 

ԱԳՆ խոսնակն էլ երեկ հայտնել էր, որ ճշտում են այս լուրը: Հիշեցնենք, որ Մարտի 1-ի գործով սահմանադրական կարգը տապալելու մեջ մեղադրվող Յուրի Խաչատուրովը Մոսկվայում է: Դատարանը 5 մլն դրամ գրավի դիմաց ազատ է արձակել նրան, քննչական մարմինն էլ համաձայնություն է տվել Հայաստանից նրա հեռանալուն՝ պայմանով, որ առաջին իսկ պահանջի դեպքում Խաչատուրովը կներկայանա քննչական մարմիններին:

«Դոն Պիպո» մականունով հայտնի Արթուր Ասատրյանի կալանքը եւս 2 ամսով երկարաձգվել է: Ասատրյանի պաշտպան Գեղամ Հակոբյանը որոշումն անօրինական է համարում եւ պատրաստվում է բողոքարկել այն: Ասում է՝ դատարանում քննիչը որեւէ հիմք չի ներկայացրել, որ կալանքի տակ մնալն անհրաժեշտ է եւ հիմնավորված է գործի նյութերով: Փաստաբանի համար անհասկանալի է նաեւ այն, որ այս ընթացքում քննչական գործողություններ, առերեսումներ չեն եղել: Նշենք, որ «Դոն Պիպոյին» երեք քաղաքացու առեւանգման եւ ապօրինին զենք-զինամթերք պահելու մեղադրանք է առաջադրվել:

Ոստիկանությունում նույնասեռականների մասնակցությամբ միջադեպ է տեղի ունեցել: Իրավապահները քաղաքացիներից ահազանգ են ստացել, որ Երեւանի «Կոմայգում» զինված հարձակվել են իրենց վրա: Զանգահարողները նաեւ ասել են, որ նույնասեռական են: Կասկածյալին բերման են ենթարկել ոստիկանության Կենտրոնի բաժին, ուր նաեւ տուժածներն են գնացել:

Կասկածյալին բերման ենթարկելու պահին քաշքշուկ է սկսվել: Ոստիկանության տեղեկացմամբ՝ կանացի զգեստներով տղամարդիկ ու նրանց համախոհները ներխուժել են ոստիկանության բաժին՝ բերման ենթարկվածին հայտնաբերելու և վրեժխնդիր լինելու համար: Իրարանցման ընթացքում, սակայն, երկու ոստիկան մարմնական վնասվածքներ են ստացել, նրանցից մեկը հիվանդանոց է տեղափոխվել: Միջադեպի գործով ձերբակալված կա:

Ջենովայում ավտոմոբիլային կամրջի փլուզման հետեւանքով ավելի քան 630 մարդ անօթեւան է մնացել. կամրջին հարակից շենքերի բնակիչները ստիպված են եղել լքել տները: 311 ընտանիք տեղավորվել է ժամանակավոր կացարաններում: Իսկ ողբերգական պատահարի հետեւանքով զոհերի թիվը 39-ի հասել: Դեպքի վայրում որոնողա-փրկարարական աշխատանքները շարունակվում են: Ողբերգության կապակցությամբ իտալական այս քաղաքում երկօրյա սուգ է հայտարարվել:

Վերին Լարսում մեքենաների կուտակումների հետ կապված խնդիրը դեռ չի լուծվում: Անցակետի ռուսական կողմում թեեւ կուտակումները պակասել են, Ռուսաստանից Վրաստան մեկնողների համար այն անցանելի է, սակայն խնդիր կա վրացական կողմում: Տրանսպորտի փոխնախարարի տեղեկացմանբ՝ Վրաստանի անցակետում մեծ քանակությամբ մեքենաներ են կուտակվել: Որպեսզի դրանք ամբողջ ճանապարհի երկայնքով չլինեն, բեռնատարների մի մասին Բագրատաշենի սահմանից թույլ չեն տալիս Վրաստան մտնել: Պաշտոնյայի տեղեկություններով՝ կուտակումներ կան նաեւ Թբիլիսիի կայանատեղիում:

Օգոստոսի 15-ին դոլարն ու եվրոն էժանացել են: Դոլարի փոխարժեքը կազմել է 483 դրամ, եվրոյինը՝ 546, ռուբլունը՝ 7 դրամ 23 լումա, ֆունտինը՝ 614 դրամ:

Օգոստոսի 16-17-ին հանրապետությունում սպասվում է առանց տեղումների եղանակ: Օդի ջերմաստիճանը 3-4 աստիճանով կբարձրանա: Երեւանում նույնպես վաղը տեղումներ չեն սպասվում: Մայրաքաղաքում գիշերը կդիտվի +18+20, ցերեկը՝ +33+35 աստիճան տաքություն:

Տպել
Կարդացեք նաև
Ամբողջը
Օրվա գլխավոր լուրերը՝ «մեկ տողով». 19.09.2018
Հակառակորդի կրակոցից Հայաստանի զինված ուժերի զինծառայող է զոհվել...
Օրվա գլխավոր լուրերը՝ «մեկ տողով». 18.09.2018
Նիկոլ Փաշինյանն այսօր Արցախում է եղել. Բակո Սահակյանի եւ բարձրաստիճան զինվորականների հետ առաջնագիծ է այցելել, հետո աշխատանքային քննարկում անցկացրել...
Օրվա գլխավոր լուրերը՝ «մեկ տողով». 17.09.2018
Իրավապահները Yerevan.Today լրատվական կայքի խմբագրությունում վաղ առավոտից խուզարկություն են կատարել. գաղտնալսման սարքեր են փնտրել, ստուգել են համակարգիչները...
Օրվա գլխավոր լուրերը՝ «մեկ տողով». 14.09.2018
«Ռազմավարական նախաձեռնությունների կենտրոն» հիմնադրամը կլուծարվի. այս գործընթացի համար կառավարության պահուստային ֆոնդից վարչապետի աշխատակազմին 33.292 մլն դրամ կհատկացվի...
Օրվա գլխավոր լուրերը՝ «մեկ տողով». 13.09.2018
Դատախազությունը հեռախոսազրույցի ձայնագրության դեպքով հերթական գործն է հարուցել. այս անգամ իրավապահները ԱԱԾ տնօրենի եւ ՀՔԾ պետի կողմից պաշտոնեական լիազորություններն անցնելու տվյալներ են նկատել...
Օրվա գլխավոր լուրերը՝ «մեկ տողով». 11.09.2018
Համացանցում տարածված ԱԱԾ տնօրենի եւ ՀՔԾ պետի խոսակցության ձայնագրությունը սկանդալ է առաջացրել...
Partner news