Թեհրանը կշարունակի կատարել միջուկային գործարքի պայմանները, սակայն ԱՄՆ-ի հետ հարաբերություններում հավասար պայմանների պահպանման համար ամենասուր հարցերից մեկը նավթը վաճառելու եւ եկամուտ ստանալու հնարավորությունն է: Հայտարարել է Իրանի արտաքին գործերի նախարար Մոհամմադ Ջավադ Զարիֆը, հաղորդում է ՏԱՍՍ-ը՝ վկայակոչելով Spiegel ամսագրին:
«Առաջնայինն այն է, որ Իրանը կարողանա ողջամիտ քանակությամբ նավթ վաճառել եւ եկամուտ ստանալ », - նշել է ԱԳՆ ղեկավարը: «Իրանը կկատարի պայմանագրի պայմանները, մինչեւ դրանք մեր շահերին համապատասխան լինեն», - ավելացրել է Զարիֆը:
Զարիֆը նշել է, որ Իրանը հնարավորություն ունի արձագանքել ինչպես գործարքի շրջանակներում, այնպես էլ դրանից դուրս: «Մենք պատրաստվել ենք դրան», - ասել է նա:
Իրանի արտգործնախարարի խոսքով, եվրոպացիները եւ համաձայնության մյուս կողմերը պետք է քայլեր ձեռնարկեն, որպեսզի փոխհատուցեն ԱՄՆ պատժամիջոցների ազդեցությունը: