News
Լրահոս
News
Ուրբաթ
Հուլիս 19
USD
476.48
EUR
535.52
RUB
7.56
ME-USD
0.17
Տեսնել լրահոսը

Մարդու իրավունքների եվրոպական դատարանը Մուշեղ Սաղաթելյանն ընդդեմ Հայաստանի գործով որոշում է կայացրել:

ՄԻԵԴ-ի կայքում նշվում է, որ այս գործը վերաբերում էր 2008 թվականի մարտի 1-ին կայացած նախագահական ընտրությունների արդյունքների դեմ լայնամասշտաբ բողոքի ակցիայի քաղաքական դրդապատճառներով կանխման մասին ընդդիմադիր ակտիվիստի պնդումներին:

Մարդու իրավունքների եվրոպական դատարանը միաձայն հաստատել է, որ Մարդու իրավունքների եվրոպական կոնվենցիայի 3-րդ հոդվածի երկու խախտում է տեղի ունեցել, այն է` անմարդկային կամ արժանապատվությունը նվաստացնող վերաբերմունքի արգելք: Դատարանին չեն համոզել այն փաստարկները, որ Սաղաթելյանի մարմնին եւ գլխին հայտնաբերված վնասվածքներն առաջացել են ոստիկանության եւ ցուցարաների միջեւ բախումների արդյունքում, ինչը պաշտոնապես հայտարարվել էր, եւ եկել է եզրակացության, որ այն դաժան վերաբերումունքի արդյունք է:

Ավելին՝ պաշտոնական հետաքննություն չի անցկացվել, որպեսզի ուսումնասիրվեն Սաղաթելյանի պնդումներն այն մասին, որ իր վնասվածքները ոստիկանության կողմից դաժան վերաբերմունքի հետեւանք են:

ՄԻԵԴ-ի համաձայն՝ նաեւ տեղի է ունեցել 5 § 1 հոդվածի խախտում (ազատության իրավունք) Սաղաթելյանի կալանավորման հետ կապված: Դատարանի կարծիքով՝ կալանքն անօրինական էր, քանի որ առաջին 16 ժամվա ընթացքում այն չէր հաստատվել:

Կալանքը պաշտոնապես հաստատվել էր թույլատրելի ժամկետից միայն 12 ժամ անց՝ կասկածյալին դատարան ներգրավելու ազգային օրենսդրության համաձայն

Կատարվել է նաեւ 5 § 3 հոդվածի 3 խախտում, այսինքն՝ ողջամիտ ժամկետում դատաքննության կամ մինչ դատավարությունը ազատության մեջ լինելու իրավունքի, քանի որ իշխանությունները չեն կարողացել պատշաճ կերպով հիմնավորել Սաղաթելյանի կալանքը:

Դատարանը որոշել է, որ խախտվել է նաեւ 6 § 1 հոդվածը (արդար դատաքննության իրավունք), քանի որ նրա դեմ քրեական դատավարությունն, ընդհանուր առմամբ, անարդարացի էր:

Մասնավորապես նշվում է, որ ազգային դատարանը հիմնվել է ոստիկանության ցուցմունքի վրա, միեւնույն ժամանակ, մերժելով գործի անհամապատասխանության եւ պաշտպանական կողմի վկաներին կանչելու վերաբերյալ մեղադրյալի երկու պնդումները:

Եվ վերջապես ՄԻԵԴ-ը գրանցել է 11-րդ հոդվածի խախտումը, այն է՝ հավաքների եւ միավորումների ազատության իրավունքը: Դատարանը որոշել է, որ հանրահավաքի ցրումը, որը խաղաղ էր, եւ դրան հաջորդող շրջափակումն ու ակտիվիստների ձերբակալությունը, որոնցից էր Սաղաթելյանը, անհամաչափ էին եւ անտեղի: Ինչպես նշված է ՄԻԵԴ հաղորդագրության մեջ, «ըստ երեւույթին, նա, փաստորեն, ի սկզբանե ձերբակալվել եւ դատական հետապնդման է ենթարկվել միայն այն պատճառով, որ մասնակցել է ցույցին, մինչդեռ նրա վերջնական դատավճիռը դատարանը կայացրել է առանց պատշաճ քննության: Սրանով ոչ միայն խախտել է Կոնվենցիայի համաձայն նրա՝ խաղաղ ժողովների ազատության իրավունքը, այլեւ կարող էր նրան եւ մյուսներին խոչընդոտել ապագայում ցույցերի մասնակցելուն»:

Դատարանի որոշմամբ՝ Հայաստանը Սաղաթելյանին պետք է վճարի 15 600 եվրո վնասի փոխհատուցման եւ 5 հազար եվրո դատական ծախսերի դիմաց:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԲԴԽ անդամները կհանդիպեն Քոչարյանի գործով դատավորի հետ
Բարձրագույն դատական խորհրդի անդամներն այսօր ժամը 16:00–ին կհանդիպեն...
ՍԴ–ն կասեցրել է Քոչարյանի և դատավոր Գրիգորյանի դիմումների գործով վարույթները և դիմել Վենետիկի հանձնաժողովին
Խորհրդատվական կարծիք ստանալու նպատակով կդիմեն նաև ՄԻԵԴ–ին...
Ռոբերտ Քոչարյանի պաշտպանները դիմել են դատավորներ Արմեն Դանիելյանին եւ Դավիթ Գրիգորյանին
Քոչարյանի պաշտպանները մի քանի անգամ խնդրել են Դավիթ Գրիգորյանին հրատապ նիստ նշանակել, սակայն արձագանք չեն ստացել...
Ռոբերտ Քոչարյանի փաստաբանները վճռաբեկ բողոքներ են ներկայացրել
Վճռաբեկ դատարան դիմելու վերջնաժամկետը լրացել է երեկ...
Վերաքննիչ դատարանը մերժեց Վահագն Հարությունյանի հետախուզման որոշման դեմ բողոքը
Միհրան Պողոսյանը վերաքննիչ դատարանից պահանջում էր բեկանել Երեւանի ընդհանուր իրավասության դատարանի...
«Մարտի 1»-ի գործով հարցաքննվել է Աղվան Հովսեփյանը
Նա հարցաքննվել է վկայի կարգավիճակով...
Ամենաշատ