Հյուսիսային Կորեան, որոշ գնահատականների համաձայն, մինչեւ 60 միավոր միջուկային զենք ունի։ Այս մասին հայտարարել է Հարավային Կորեայի՝ միավորման հարցերով նախարար Չո Մյոն Գյուն։ Սա Սեուլի առաջին հայտարարությունն է Պխենյանի խորհրդավորության քողով ծածկված սպառազինության վերաբերյալ՝ տեղեկացնում է «Գոլոս Ամերիկի»-ն։
Նա ասել է, որ Հյուսիսային Կորեայի միջուկային սպառազինությունը կարող է 20-60 ռումբ ներառել , եւ հավելել է, որ տեղեկատվությունը ստացվել է հետախուզական ճանապարհով։
Նախարարությունը հայտնել է, որ այս ամենը չի նշանակում, թե Հարավային Կորեան պատրաստ է ԿԺԴՀ-ին որպես միջուկային երկիր ընդունել՝ հասկացնելով, որ միջուկային ծրագրի ոչնչացման ուղղությամբ դիվանագիտական աշխատանքները շարունակվելու են։