ԱՄՆ պետքարտուղար Մայք Պոմպեոն, որն այցով Ճապոնիայում է, այս երկրի վարչապետ Սինձո Աբեի հետ միասնական կարծիքի են հանգել Հյուսիսային Կորեայի ապամիջուկայնացմանը հասնելու համար սերտ համագործակցության անհրաժեշտության հարցում, հայտնում է «Կիոդո» գործակալությունը:
«Հյուսիսային Կորեայում Ճապոնիայի քաղաքացիներին բռնի պահելու, միջուկային եւ հրթիռային ծրագրերի խնդիրների լուծման համար անհրաժեշտ է գալ փոխըմբռնման: Ապամիջուկայնացման իրականացման համար անհրաժեշտ է սերտ համագործակցություն»,- ասել է Պոմպեոն:
Ճապոնիայի վարչապետ Սինձո Աբեն իր հերթին բարձր է գնահատել, որ Պոմպեոն Տոկիո է եկել Հյուսիսային Կորեա իր այցի նախօրյակին:
«Հյուսիսային Կորեայում Ճապոնիայի քաղաքցիներին պահելու, հրթիռային եւ միջուկային հարցերում ես սերտ փոխգործակցություն կցանկանայի»,- ասել է նա:
Մայք Պոմպեոն Տոկիո է այցելել Փհենյան այցի նախօրեին: Սպասվում էր, որ նա Ճապոնիայի վարչապետին կհայտնի բանակցությունների մանրամասների մասին: Կողմերը պետք է քննարկեին Հյուսիսային Կորեայի ապամիջուկայնացման գործընթացի հետ կապված հարցերը: Շաբաթ նախատեսված են նաեւ Պոմպեոյի բանակցությունները իր ճապոնացի գործընկեր Տարո Կոնոյի հետ: