Ճապոնիայի վարչապետ Սինձո Աբեն մտադիր է անձամբ հանդիպել Հյուսիսային Կորեայի առաջնորդ Կիմ Չեն Ընին եւ ջանքեր ներդնել Փհենյանի հետ հարաբերությունների կարգավորման գործում: Նա այս մասին հայտարարել է երկրի խորհրդարանի նստաշրջանի բացմանը ծրագրային ելույթ ունենալիս, փոխանցում է ՏԱՍՍ-ը:
Ճապոնիայի վարչապետը նշել է, որ Կորեական թերակղզու շուրջ իրավիճակում մեծ տեղաշարժեր են կատարվում հուլիսին Սինգապուրում Հյուսիսային Կորեայի եւ ԱՄՆ առաջնորդների հանդիպումից հետո, որը նա պատմական է անվանել:
«Այսպիսի պայմաններում ես պետք է անձամբ հանդիպեմ Կորեայի Աշխատավորական կուսակցության նախագահ Կիմ Չեն Ընի հետ: Ես ոչ մի հնարավորություն չպետք է բաց թողնեմ, որ օր առաջ լուծեմ առեւանգված ճապոնացիների խնդիրը: Փոխադարձ անվստահությունը հաղթահարելով՝ ես պետք է ձգտեմ նաեւ հրթիռա-միջուկային խնդրի կարգավորմանը եւ Հյուսիսային Կորեայի հետ պետական հարաբերությունների նորմալացմանը»,- նշել է Սինձո Աբեն:
