Պետերբուրգում մեկնարկում է ԱՊՀ ոչ պաշտոնական գագաթաժողովը: «ՌԻԱ Նովոստիի» հաղորդմամբ՝ հանդիպումը սկսվել է ավանդական լուսանկարվելու արարողությամբ: Բ. Ելցինի անվան նախագահական գրադարանում, որտեղ ավարտվում էր Եվրասիական տնտեսական բարձրագույն խորհրդի նիստը, հյուրերին ողջունել է Ռուսաստանի նախագահ Վլադիմիր Պուտինը:
Հանդիպմանը մասնակցում են Ադրբեջանի նախագահ Իլհամ Ալիեւը, Հայաստանի վարչապետի պաշտոնակատար Նիկոլ Փաշինյանը, Բելառուսի նախագահ Ալեքսանդր Լուկաշենկոն, Ղազախստանի նախագահ Նուրսուլթան Նազարբաեւը, Ղրղզստանի նախագահ Սուրոնբեյ Ժեենբեկովը, Մոլդովայի նախագահ Իգոր Դոդոնը, Տաջիկստանի նախագահ Էմոմալի Ռահմոնը, Թուրքմենստանի նախագահ Գուրբանգուլի Բերդիմուհամեդովը եւ Ուզբեկստանի նախագահ Շավկատ Միրզիոեւը:
Ակնկալվում է, որ գագաթաժողովը տեղի կունենա ընկերական ընթրիքի ձեւաչափով, որտեղ յուրաքանչյուր մասնակից կարող է ցանկացած հարց բարձրացնել:
