ԵՄ հարեւանության եւ ընդլայնման հարցերով հանձնակատար Յոհաննես Հանը դեկտեմբերին Հայաստանում անցկացված ընտրությունները համարում է ժողովրդի կամքի արտահայտություն։
Հունվարի 29-ին Երեւանում տեղի ունեցած մամուլի ասուլիսի ժամանակ եվրոհանձնակատարը շնորհավորեց հայ ժողովրդին՝ թափանցիկ ընտրությունների հաջող անցկացման համար: Խոսելով ԵՄ-ի հետ համագործակցության մասին`Հանը որոշ ոլորտներ է առանձնացրել` գյուղատնտեսություն, ապագային ուղղված ոլորտներ եւ տեխնոլոգիաներ, դատական համակարգ եւ կրթություն, ենթակառուցվածքներ: Եվրոհանձնակատարը նշել է, որ ներկայում իրականացվում են 300 մլն եվրոյի ծրագրեր, նախատեսվում է իրականացնել եւս 100 մլն եվրոյի: 800 մլն-ի ներդրումներ էներգետիկայի, ջրի, գյուղատնտեսության, տրանսպորտի ոլորտներում՝ դրամաշնորհների եւ վարկերի տեսքով: Վերջերս կրթության ոլորտում ստորագրվեց 23 միլիոն եվրոյի փաթեթ: «Ես այցելեցի Թումո կենտրոն եւ պետք է ասեմ, որ շատ տպավորված եմ», - ասաց Հանը: Նրա խոսքերով, բանակցություններ են ընթանում հաջորդ տարվա բյուջեի շուրջ՝ 7 տարվա կտրվածքով, որի շրջանակներում հարեւանների թիվը կավելանա:
Այս հայտարարությունը մի քիչ փչացրեց այն հարցը, թե այդ դեպքում ինչու՞ Հայաստանը կստանա շատ ավելի քիչ, քան մյուսները: Ի պատասխան, Հանը հավաստիացրեց, որ «Հայաստանը բոլորից պակաս չի ստանա: Կան ավելի քիչ ստացողներ»: Ինչպես պարզվել է, դոտացիայի չափը կախված է ծրագրերի իրականացման նախապատրաստական աստիճանից:
Պատասխանելով այն հարցին, թե որքանով է ԵՄ-ի աջակցությունը կապված Հայաստանում անցյալ տարի տեղի ունեցած իրադարձությունների հետ, եվրոհանձնակատարը նշեց, որ ժողովրդավարության խթանման համար կա բյուջետային տող, եւ դա կլինի լրացուցիչ ֆինանսավորման աղբյուր Հայաստանի համար: Դա մի փոքր անցյալ տարի իրականացվեց, բայց այս տարի ավելի շատ կլինի: Եվրոհանձնակատարը խանդավառությամբ հայտարարեց, որ Հայաստանում դրական վերաբերմունքը զգացվում է նաեւ Եվրոպայում․ մարդիկ հետաքրքրված են ներդրումներով: «Ինձ նույնիսկ ասել էն, որ անցած տարի երկար տարիների մեջ առաջին անգամ Հայաստան է եկել ավելի շատ մարդ, քան գնացել է», - հայտարարեց Հանը:
