ԱՄՆ-ն եւ Հյուսիսային Կորեան պետք է «հանդիպեն կես ճանապարհին», հայտարարել է Չինաստանի ԱԳՆ-ի ներկայացուցիչ Լու Կանգը, ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի գագաթնաժողովի ձախողումից հետո, հաղորդում է AP-ն:
Նրա խոսքով՝ Կորեական թերակղզում իրավիճակը վերջին տարվա ընթացքում զգալի «բեկումնային պահ» է ապրել եւ «դժվարությամբ ձեռք բերված այդ արդյունքը պետք է գնահատել»:
Նա նշել է, որ ԱՄՆ-ն եւ Հյուսիսային Կորեան վերադարձել են քաղաքական կարգավորման ճիշտ ուղուն, ինչը «միակ ելքն է»:
