Ռուս պատգամավորների հետ հանդիպման ժամանակ Ադրբեջանի նախագահ Իլհամ Ալիեւը հարց հնչեցրեց Լեռնային Ղարաբաղում իրավիճակի կարգավորման վերաբերյալ: Այդ մասին Բաքու կատարած պաշտոնական այցի ընթացքում հայտարարել է Դաշնության խորհրդի նախագահ Վալենտինա Մատվիենկոն՝ պատասխանելով «Պառլամենտսկայա գազետա»-ի հարցին:
«ՌԴ-ի դիրքորոշումը հետեւյալն է. չկա խնդրի ռազմական լուծում, կա միայն դրա լուծման դիվանագիտական ճանապարհ: Ռուսաստանն անում է տարբեր ձեւաչափերով հնարավոր ամեն ինչ, որպեսզի կողմերը փոխզիջման հասնեն»,-թերթը մեջբերել է Վալենտինա Մատվիենկոյի խոսքերը:
Մատվիենկոն հայտնել է, որ ապրիլի 2-ին թեման քննարկվել է ՌԴ-ի եւ Ադրբեջանի նախագահների միջեւ հեռախոսազրույցի ժամանակ: Ապրիլի 15-ին կկայանա Հայաստանի, Ադրբեջանի եւ ՌԴ-ի ԱԳ նախարարների ու ԵԱՀԿ Մինսկի խմբի նախագահների հանդիպումը, որի օրակարգում ներառված է նաեւ Լեռնային Ղարաբաղի թեման:
«Նախագահն ընդգծել է, որ Ադրբեջանը ՌԴ-ի ամենահուսալի գործընկերն է: Եւ դա պետք է հաստատել գործով: 2018 թվականին Իլհամ Ալիեւի Ռուսաստան կատարած այցի ժամանակ ստորագրվել էին թվով 15 նոր միջկառավարական համաձայնագրեր, իսն մեր երկու երկրների նախագահների միջեւ վեց հանդիպում էր տեղի ունեցել անցած տարվա ընթացքում»,-հավելել է Մատվիենկոն:
