News
Լրահոս
News
Կիրակի
Հունիս 16
USD
478.4
EUR
539.06
RUB
7.43
ME-USD
0.13
Տեսնել լրահոսը


«Իմ քայլը՝ հանուն Գեղարքունիքի մարզի» ներդրումային համաժողովի շրջանակներում նաև Expo ցուցահանդես էր բացված, որտեղ հայկական արտադրանք էր ներկայացված:

Վարչապետը շրջեց տաղավարներով, ծանոթացավ արտադրանքին:

Փաշինյանը նեղվածք պայմաններում համտեսեց մարզի բերք ու բարիքից. ներկաները հետեւում էին, թե վարչապետը ինչպես է ախորժակով ըմբոշխնում ուտելիքը։

«Գնամ գորգը կտրեմ՝ գամ»,– ասաց Փաշինյանը: Նա նաեւ հաջողություն մաղթեց Արմաթ լաբորատորիայում ռոբոտ ստեղծողներին. ռոբոտը լաբիրինթոսում ելք է ման գալիս. ստեղծել են երեխաները։

«Արմաթ ծրագիրը արդյունավետ է, ինժեներական միտքը զարգանո՞ւմ է»,– հարցերց նա, եւ ստացավ պատասխան. «Այո, իրենց ձեռքով մոդելավորում են»։

Էքսպոն հարուստ էր հատկապես Գեղարքունիքի բերք ու բարիքով. Վարչապետը գնահատեց բարիքները՝ բրդուճով եւ մեկ գավաթով շրջում էր տաղավարներում, հետո երկար ձեռքերն էր սրբում եւ շրթունքները։

Ի դեպ, Նիկոլ Փաշինյանը իր գավաթը մոռացել էր տաղավարներից մեկում, որն արագ վերադարձրին։

Երբ հասավ փախլավաների տաղավարին, Փաշինյանն աշխուժացավ. «Ըհը, հասանք Քյավառի փախլավային, դե մի հատ փախլավա տվեք»:

Մեկ այլ տաղավարի մոտ վարչապետն ասաց. «Մի հատ համտեսեմ, որ չնեղանաք, որի՞ց համտեսեմ»,– ասաց Փաշինյանը եւ մեղր փորձեց:

Նշենք, որ վարչապետին ուղեկցում էր Գեղարքունիքի մարզպետը, տարածքային կառավարման եւ զարգացման նախարարը, պաշտոնատար այլ անձինք, սակայն միայն Նիկոլ Փաշինյանն էր համտեսում, տարածքային կառավարման եւ զարգացման նախարար Սուրեն Պապիկյանը ձանձրույթից հորանջում էր։

Հիշեցնենք, որ Նիկոլ Փաշինյանը նախօրեին աշխատանքի էր գնացել եւ վերադարձել հեծանիվով, նշելով, որ քաշի խնդիր ունի։

!
Այս նյութը հասանելի է նաև   Русский
Տպել