Մայիսի 22-ին, ժամը 16.05-ին, «Հայանտառ» ՊՈԱԿ «Գուգարքի անտառտնտեսություն» մասնաճյուղից ոստիկանության Սպիտակի բաժին գրություն է ստացվել, որ մայիսի 13-ին նշված մասնաճյուղի աշխատակիցների կողմից կատարվել է տեղազննում Սպիտակի անտառպետության թիվ 4 պահաբաժնում «Թեղուտ» ծրագրով հիմնված տնկարքում:
Ոստիկանությունից NEWS.am-ին հայտնում են, որ պարզվել է, որ անհայտ անձանց կողմից ջարդվել եւ գողացվել են տնկարկի դարպասները՝ մի քանի տասնյակ սյուներ եւ մոտ 500 մ փշալար:
Ոստիկանության Սպիտակի բաժնի ծառայողների ձեռնարկած միջոցառումների շնորհիվ նույն օրը պարզվել է, որ 1976 թ. ծնված Թավրիզ Բ.-ն 2018թ. մայիս-հունիս ամիսներին նշված տնկարկից գողացել է 70 մ փշալար եւ տեղափոխել իր տան բակ:
Ոստիկանները պարզել են նաեւ, որ 1979 թ. ծնված Գայանե Զ.-ն 2018թ. մայիս ամսին նշված տնկարկից գողացել է 200 մ փշալար եւ տեղափոխել իր տան բակ:
Գողոնը հայտնաբերվել եւ վերցվել է:
Նախապատրաստվում են նյութեր:
