Նավթի գները մեկ բարելի համար բարձրացել են մինչեւ 65 դոլար Իրանի վրա ԱՄՆ-ի ռազմական հարձակման մտավախությունների պատճառով, ինչը կարող է խոչընդոտել Մերձավոր Արեւելքից նավթի մատակարարումներին, որն ապահովում է նավթի համաշխարհային արդյունահանման ավելի քան 20 տոկոսը, գրում է Reuters-ը:
Brent նավթի գինը Գրինվիչի ժամանակով 8:50-ի դրությամբ թանկացել է 42 ցենտով կամ 0.66 տոկոսով՝ մեկ բարելի դիմաց մինչեւ 64.87 դոլար:
West West Intermediate (WTI) նավթը թանկացել է 21 ցենտով կամ 0.38 տոկոսով՝ մեկ բարելի դիմաց մինչեւ 57.28 դոլար:
Ամերիկյան ինդեքսներն հինգշաբթի աճել են 5.4 տոկոսով եւ 9 տոկոս այս շաբաթ:
«Հում նավթի գները կտրուկ աճում են Մերձավոր Արեւելքում լարվածության ուժեղացումից հետո այս անգամ, երբ Իրանը խոցել էր ամերիկյան անօդաչուն», - ասել է վերլուծաբան Ջեյսոն Գամելը:
Ուրբաթ Իրանի պաշտոնատար անձինք Reuters-ին հայտնել էին, որ Թեհրանը ԱՄՆ նախագահ Դոնալդ Թրամփից հաղորդագրություն է ստացել Օմանեի միջոցով, որը զգուշացնում է Իրանի վրա ԱՄՆ-ի անխուսափելի հարձակման մասին:
New York Times-ը, աղբյուրներին վկայակոչելով հաղորդել էր, որ Թրամփը հաստատել էր Իրանի վրա ռազմական հարվածները, սակայն հետո հրաժարվել էր այդ գաղափարից:
«Կասկած չկա, որ այս խոցելի ճանապարհով նավթի տարանցման խափանումը չափազանց լուրջ կլինի», - նշում է FGE Energy- ը:
Պահանջարկի վերաբերյալ հեռանկարները նույնպես բարելավվել են՝ ռիսկային ակտիվների նկատմամբ ախորժակի աճի շնորհիվ այն բանից հետո, երբ Եվրոպայի եւ ԱՄՆ-ի ԿԲ-ները հայտարարել էին այս շաբաթ տոկոսադրույքների հնարավոր իջեցման մասին:
Թուլացած դոլարը միտում ունի պահպանել նավթի գները, քանի որ նավթը հիմնականում դոլարով է գնահատվում:
«Առեւտրային մտահոգությունը նվազել է՝ էներգակիրների գների աճին դրդելով, քանի որ համաշխարհային աճը կախված չի լինի ձգձգվող սակագնային պատերազմից», - ասել է Oanda շուկայի ավագա վերլուծաբան Ալֆոնսո Էսպարզան:
