News
Լրահոս
News
Չորեքշաբթի
Հոկտեմբեր 23
USD
475.96
EUR
530.36
RUB
7.48
ME-USD
0.07
Տեսնել լրահոսը

Հայաստանի հանրությունը թերագնահատում է տարածաշրջանում լարվածության հնարավոր հետեւանքները։ Այսպիսի կարծիք է հայտնել քաղաքագետ Աղասի Ենոքյանը հունիսի 25-ին լրագրողների հետ հանդիպմանը։

Նրա խոսքով՝ մինչ Հայաստանում զբաղված են խորհրդարանական շոուներին հետեւելով, տարածաշրջանում լարվածությունը խորանում է։ «ԱՄՆ-ի եւ Իրանի հարաբերությունների առումով իրավիճակը խիստ լարված է, Թրամփը նոր պատժամիջոցներ է մտցրել։ Լարվածություն կա նաեւ Վրաստանի եւ Ադրբեջանի միջեւ։ Ղարաբաղի հարցով շատ լուրջ հայտարարություն է հնչել խաղաղարարներ մտցնելու վերաբերյալ։ Թեեւ մերոնք մերժել են, բայց ես այս դեպքում հակված եմ հավատալու Մամեդյարովին։ Դա այն է, ինչի մասին արդեն ասվել է՝ Լավրովի պլանը»,- նշել է քաղաքագետը։

Իրավիճակը Վրաստանում նա համեմատել է Հայաստանում մեկ տարի առաջվա իրադարձությունների հետ։ Ընդ որում՝ վրացական իրադարձությունների պատճառը ամենաանհեթեթն էր, եւ Աղասի Ենոքյանը չի բացառել, որ դա սադրանք էր։ Բայց իրադարձությունները ցույց են տվել, որ ժողովուրդը դժգոհ է կյանքից, դժգոհ է Ռուսաստանի հետ հարաբերություններից, ընդգծել է քաղաքագետը։

Ի պատասխան, շարունակել է քաղաքագետը, Ռուսաստանը կօգտագործի հնարավորությունը Վրաստանի հանդեպ պատժամիջոցներ մտցնելու համար։ «Վերջերս Վրաստանում էի, եւ կարող եմ վկայել, որ ՌԴ-ից հսկայական քանակությամբ զբոսաշրջիկներ կային»,- նշել է Ենոքյանը՝ ասելով, որ առաջին անգամ Լարսը փակվում է Վրաստանի կողմից, եւ արդեն կա նախադեպը չունեցող դեպք, երբ չեն թողել Հայաստանի ավտոբուսն անհայտ պատճառով։ Աղասի Ենոքյանի գնահատմամբ՝ հետեւանքները կարող են լինել շատ լուրջ Հայաստանի համար։ «Հայաստանը պետք է ունենա դիրքորոշում կատարվողի հանդեպ, եւ լավ կլիներ արագ արտահայտել այն»,- նշել է Ենոքյանը։ Նրա կարծիքով՝ ընդհանուր լարվածությունը տարածաշրջանում կարող է գայթակղություն դառնալ Ադրբեջանի համար, որպեսզի ռազմական գործողությունները դառնան թույլատրելի եւ անգամ անհրաժեշտ։ Եթե լուծի մնացած խնդիրները, ամփոփել է քաղաքագետը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵԱՀԿ դիտարկում է անցկացրել Բերդաշեն գյուղից դեպի հյուսիս-արևելք . այն նորմալ է անցել
Սահմանի հակառակ կողմից դիտարկումն իրականացրել են ԵԱՀԿ ԳՆԱՆ դաշտային օգնական Օգնեն Յովիչը...
Արցախի ժողովուրդն է իր ճակատագրի տերը. Օվեռն Ռոն Ալպեր դեպարտամենտի ղեկավար
Պետք է լինել Հայաստանի կողքին հնարավոր աշխարհաքաղաքական տուրբուլենտության ժամանակ...
«Հրապարակ». Ոչ շահեկան զարգացումներ. Ղարաբաղի հարցում տհաճ անակնկալներ են սպասվում
Ո՛չ ԱԳՆ-ն, ո՛չ ԱԺ-ն չեն փորձել կանխել…
30 տարում Արցախի խնդիրն այնպես պետք է լիներ, որ Ալիեւը ռիսկ չաներ տառ ու բառ հոխորտար. Ծառուկյան
Եղել է, ասել են, ընտանիքում էլ են խոսակցություններ լինում, բայց պետք է մտածենք, որ մեր խոսքերով կարող ենք վնասել ժողովրդին...
ԵԱՀԿ դիտարկումը Ակնայից դեպի հարավ-արեւելք ընկած հատվածում նորմալ է անցել
Դիտարկման առաքելությանը արցախյան կողմից ուղեկցել են...
«Սա նույն բանն է, որ առավոտյան ուտես մեղր, ցերեկը՝ կծու բիբար, երեկոյան՝ խաշ». Շարմազանովը Արցախի խնդրի մասին
Վիտալի Բալասանյանը Արցախի պատերազմի հերոս է եւ այն հարձակումը, որ տեղի է ունենում նրա նկատմամբ Նիկոլ Փաշինյանի կողմնակիցների միջոցով, ոչ այլ ինչ է, քան արցախյան հաղթանակի արժեքի նվազեցում...