Երեւանում, այսօր, հուլիսի 9-ին շղթայական ավտովթար է տեղի ունեցել. ժամը 09։10-ի սահմաններում Սարալանջի եւ Արմենակյան փողոցների խաչմերուկում Mitsubishi Pajero iO մակնիշի 35 MO 400 համարանիշի ավտոմեքենայի վարորդը բախվել է Mercedes մակնիշի 35 MU 369 համարանիշի, Land Rover մակնիշի 31 OS 781 համարանիշի, Opel մակնիշի 35 MF 732 համարանիշի, Toyota մակնիշի 51 MO 001 համարանիշի եւ Opel մակնիշի 35 SA 159 համարանիշի ավտոմեքենաներին։

Shamshyan.com-ի  հաղորդմամբ, վթարի հետեւանքով, ըստ նախնական տեղեկությունների՝ տուժածներ չկան։ Օպերատիվորեն դեպքի վայր են ժամանել Երեւանի Ճանապարհային ոստիկանության ծառայողներն ու «Ռոսգոսստրախ» եւ SIL INSURANCE ապահովագրական ընկերությունների ներկայացուցիչները։ Փաստի առթիվ ՃՈ 1-ին սպայական գումարտակում անվարույթ նյութեր են նախապատրաստվում։ Ոստիկանությունը պարզում է վարորդների ինքնությունը։