News
Լրահոս
News
Երկուշաբթի
Հունվար 17
USD
481.49
EUR
550.01
RUB
6.3
Տեսնել լրահոսը


ՀՀ և Ադրբեջանի արտգործնախարարների հանդիպման արդյունքով արված հայտարարություններում փոփոխություններ չկան, բայց զարգացվում է այն ծրագիրը, որը նախկինում հայտարարվել, այն է՝ կողմերը պետք է հումանիտար ծրագրերով առաջ գնան և ստեղծեն այն բարենպաստ մթնոլորտը, որտեղ հնարավոր կլինի վերջապես անցնել հիմնական բանակցային փուլին։ Այս մասին այսօր՝ դեկտեմբերի 10–ին, լրագրողների հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը։

«Ամենակարևոր բանը, որ նկատեցի այս հայտարարության մեջ, այն է, որ կոնֆլիկտի լուծումը բացի խաղաղ լուծման տարբերակից այլընտրանք չունի։ Ինձ թվում է, որ Ադրբեջանին հիմա այս իրավիճակում ավելի դժվար կլինի փորձեր անել հարցը լուծել ռազմական ճանապարհով։ Իհարկե, հայտարարության մեջ գոհունակությամբ նշում է, որ շփման գծում ավելի քիչ լարվածություն է, բայց դա մեզ չի բավարարում, մենք պետք է հասնենք այն մակարդակին, որ որևէ կրակոց կամ պայմանավորվածության խախտում Ադրբեջանի կողմից ունենա համապատասխան գնահատական թե Մինսկի խմբի , թե այլ կազմակերպությունների կողմից»,– ասաց նա։

Հարցին՝ ի վերջո արտգործնախարարները հանդիպո՞ւմ են, թե բանակցո՞ւմ, Իգիթյանը պատասխանեց. «Ընդամենը բառախաղ է՝ հանդիպում, թե բանակցություն։ Եթե վերցնենք զուտ ԼՂ հիմնախնդրի հետ կապված բանակցությունը, ինչի համար ստեղծվել է Մինսկի խումբը, այդպիսի բանակցություններ չկան, բայց մյուս կողմից կողմերը բանակցում են՝ ինչպես սկսել բանակցությունները։ Եվ այն սկզբունքային մոտեցումը, որ բանակցային սեղանին պետք է լինի նաև Ղարաբաղը, կարևոր է։ Լավրովն իր ելույթով անուղղակի համաձայնություն տվեց նրան, որ  ԼՂՀ–ն պետք է բանակցային փուլին մասնակցի։ Մենք փուլը կհամարենք բանակցային միայն այն ժամանակ, երբ Ղարաբաղը կլինի բանակցային սեղանի շուրջ»։

Դիտարկմանը, որ Ադրբեջանն ասում է՝ եթե ԼՂՀ–ն նստի բանակցային սեղանին, ապա նույնը պետք է անի նաև ԼՂ ադրբեջանական համայնքը, Իգիթյանը պատասխանեց. «Վարչապետ Փաշինյանը հայտարարել է՝ որևէ խնդիր չի տեսնում, որ Ալիևի հետ միասին որևէ պատվիրակության անդամ, այդ թվում՝ ԼՂ ադրբեջանական համայնքի ներկայացուցիչները լինեն պատվիրակության մեջ։ Կգան նրան, թե ոչ՝ կարևոր չէ։ Ալիևը ներկայացնում է այդ մարդկանց, որովհետև նրանք ընտրել են Ալիևին, որ ներկայացնի իրենց շահերը։ Մեր ժողովուրդը ընտրել է վարչապետ Փաշինյանին։ Մնաց մի զանգված՝ Արցախի Հանրապետության ժողովուրդը, և որևէ մեկը չի կարող ներկայացնել նրանց սեղանի շուրջ։ Կարևորը, որ մենք արդեն կարողացել ենք գոնե բանակցային առարկա դարձնել ԼՂՀ մասնակցությունը բանակցային փուլին»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի ԱԳՆ հայտարարությունը Բաքվում հակահայկական ջարդերի 32-րդ տարելիցի կապակցությամբ
Այսօր մենք գլուխ ենք խոնարհում Բաքվում տեղի ունեցած հակահայկական ջարդերի անմեղ զոհերի հիշատակին և վերահաստատում ենք Հայաստանի, Արցախի և ողջ…
Առաջին օմբուդսմեն. 1990 թվականի հունվարին Բաքվում տեղի ունեցած հայկական ջարդերի մեղքը Ադրբեջանի ողջ ժողովրդինն է
Ընդհանուր առմամբ Ադրբեջանը լքել է մոտ 300-350 հազար հայ․․․
Պետք է միջազգային ասպարեզում առաջ տանենք Արցախի կարգավիճակի հստակեցման գաղափարը․ Վիտալի Բալասանյանի ուղերձը
2021 թվականն Արցախում աչքի է ընկել պատերազմի հետևանքների հաղթահարմանն ուղղված բազմաթիվ ծրագրերի իրականացմամբ...
Իմ հարցազրույցին հետեւած քննարկումները՝ ԼՂ բանակցային գործընթացի մասին, բացահայտեցին մի շարք կեղծիքներ. Փաշինյան
Լեռնային Ղարաբաղի Ինքնավար մարզի ադրբեջանական բնակչության մասնակցությունը Լեռնային Ղարաբաղի վերջնական...
Ռուսական խաղաղապահ զորակազմի ներկայությունը Արցախում պետք է լինի երաշխավորված ու անժամկետ. Արայիկ Հարությունյան
Հանրապետության նախագահն անդրադարձել է նաև բնակարանաշինական մեկնարկած և ապագա ծրագրերին՝ նշելով, որ իր նախընտրական…
Պուտինն ու Մակրոնը քննարկել են ղարաբաղյան հարցի կարգավորումը
ԼՂ կարգավորման շուրջ մտքերի փոխանակության ընթացքում գոհունակություն է հայտնվել իրավիճակի կայունացման եւ․․․