News
Լրահոս
News
Կիրակի
Օգոստոս 09
USD
485
EUR
573.17
RUB
6.58
ME-USD
0.01
Տեսնել լրահոսը

Հարավային Կորեան Հյուսիսային Կորեային կոչ է անում զերծ մնալ Սեուլին ուղղած վիրավորական մեկնաբանություններից: Այս մասին երկուշաբթի ճեպազրույցի ժամանակ ասել է երկրի միավորման նախարարության պաշտոնական ներկայացուցիչ Լի Սան Մինը, փոխանցում է ՏԱՍՍ-ը:

«Փոխադարձ հարգանք դրսեւորելով՝ Հարավը եւ Հյուսիսը պետք է զերծ մնան վիրավորանքներից՝ հանուն միջկորեական հարաբերությունների զարգացման եւ թերակղզում խաղաղության հաստատման»,- շեշտել է նա:

Նա այս կերպ է մեկնաբանել Հյուսիսային Կորեայի ԱԳՆ խորհրդական եւ միջուկային խնդրով նախկին գլխավոր բանակցող Կին Գե Գվանի արտահայտությունները, որը Կորեական կենտրոնական հեռագրական գործակալության հետ հարցազրույցում Սեուլի ջանքերը՝ ուղղված Փհենյանի եւ Վաշինգտոնի երկխսության վերականգնմանը, անվանել էր «անձնապաստան»: Նա Հարավային Կորեան համեմատել էր «հիմարի հետ, որ թափառում է՝ ճանապարհները չտարբերակելով», եւ ծաղրել էր նրա իշխանությունների փորձը՝ Հյուսիսին փոխանցել Փհենյանի արդեն ստացած ԱՄՆ նախագահ Դոնալդ Թրամփի նամակը, որով նա շնորհավորել էր ԿԺԴՀ առաջնորդ Կիմ Չեն Ընի տարեդարձը:

Կիմ Գե Գվանի կարծիքով՝ Սեուլի գործողությունները ցույց են տալիս, որ նա Հյուսիսային Կորեայի եւ ԱՄՆ-ի միջեւ երկխոսությունում «միջնորդի դեր կատարելու» հույս չի թողնում: «Ավելի լավ է հարավկորեական իշխանություններն իրենց չմիխաթարեն չիրականացած երազանքներով այն մասին, որ մենք երկխոսության կվերադառնանք տարեդարձի շնորհավորանքի համար շնորհակալության զգացումից դրդված»,- ամփոփել էր Հյուսիսային Կորեայի ԱԳՆ խորհրդականը:

Ուրբաթ Հարավային Կորեայի լրատվամիջոցները հայտնել էին, որ երկրի նախագահ Մուն Չժե Ինի աշխատակազմը Հյուսիսային Կորեային է փոխանցել ԱՄՆ նախագահ Դոնալդ Թրամփի նամակը: ԱՄՆ եւ Հյուսիսային Կորեայի ղեկավարներն ավելի վաղ նամակներ էին փոխանակել Կորեայի Հարավն ու Հյուսիսը բաժանող ապառազմականացված գոտի Թրամփի այցի նախաշեմին:

2019 թվականի հունիսի 30-ի Փհանմունջոմում հանդիպման ժամանակ Կիմ Չեն Ընը եւ Թրամփը պայմանավորվել էին աշխատանքային մակարդակով վերականգնել ապամիջուկայնացման թեմայով խորհրդակցությունները, որոնք կասեցվել էին 2019-ի փետրվարին Հանոյում նրանց գագաթնաժողովի անարդյունք ավարտից հետո: Ըստ այս համաձայնության՝ 2019-ի հեկտեմբերի 5-ին ԱՄՆ եւ Հյուսիսային Կորեայի ներկայացուցիչները հանդիպել էին Ստոկհոլմում քննարկելու համար երկկողմ հարաբերությունների կարգավորման հեռանկարները, սակայն այդպես էլ չէր հաջողվել մինչեւ 2019-ի վերջ հաստատել Վաշինգտոնի եւ Փհենյանի միջեւ երկխոսությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սեուլում հայտարարել են, որ Հյուսիսային Կորեայի նկատմամբ Հարավային Կորեայի համբերությունը սպառվել է
Մուն Չժե Ինի վարչակազմը չի հանդուրժի Փհենյանի կողմից հարավկորեացի առաջնորդին հասցեագրած վիրավորանքները…
Սեուլը կոչ է անում արագ վերսկսել Վաշինգտոնի եւ Փհենյանի բանակցությունները
Նա նշե է, որ երկրի նպատակը Կորեական թերակղզում լրիվ ապամիջուկայնացումն է...
Հարավային Կորեայի նախագահը հայտարարել է, որ կարող է հասնել նրան, որ Հյուսիսային Կորեան ազատվի ՄԱԿ-ի պատժամիջոցներից
Նրա խոսքով՝ միջկորեական համագործակցության ընդլայնումը կխթանի Հյուսիսային Կորեայի եւ ԱՄՆ-ի միջեւ միջուկային դիվանագիտության առաջընթացն ...
Պոմպեոն հույս ունի, որ Հյուսիսային Կորեան ճիշտ որոշում կկայացնի միջուկազերծման բանակցությունների վերաբերյալ
Մենք նրանց համար լուսավոր ապագա ենք ուզում, ասել է Պոմպեոն...
ԱՄՆ-ը ԿԺԴՀ-ին առաջարկել է վերսկսել բանակցությունները Ստոկհոլմում
ԿԺԴՀ միջուկային ծրագիրը երկար տարիներ մտահոգություն է առաջացնում համաշխարհային հանրության կողմից...
Սոլեյմանիի սպանությունը, հնարավոր է, հետեւանքներ ունենա Հյուսիսային Կորեայի ապամիջուկայնացման տեսակետից. լրատվամիջոց
Գեներալ Սոլեյմանիի սպանությանը Հյուսիսային Կորեայի նախանական արձագանքը զգուշավոր էր…