Արդեն մեկ տարի է, ինչ ՀԱՅԲԻԶՆԵՍԲԱՆԿԸ սկսել է Փոքր բիզնեսի հատվածի համար բանկային ծառայություններ մշակել բոլորովին նոր ձեւաչափով:
Բանկի 2019-2021 թվականների զարգացման ռազմավարության համաձայն՝ Հայաստանի եւ Արցախի փոքր բիզնեսին աջակցելը եւ սպասարկելը Բանկի կողմից դիտարկվում է որպես թիրախային ոլորտ:
Փոքր բիզնեսին մատուցվող բանկային ծառայությունների ամբողջական վերագործարկումից հետո առաջին տարվա արդյունքներով՝ ՀԱՅԲԻԶՆԵՍԲԱՆԿԸ կարողացավ առաջարկել վարկային պրոդուկտների ընդլայնված շարք, որն ընդգրկում է բիզնեսի կարիքների ամբողջ տեսականին: Դա նպաստեց ավելի քան 700 փոքր բիզնեսի նախագծերի ստեղծմանը, ընդլայնմանը, ինչպես նաեւ զարգացմանը:
Այսօր Փոքր բիզնեսի տարբեր վարկատեսակների առաջին հինգ հաճախորդները հրավիրվել էին ՀԱՅԲԻԶՆԵՍԲԱՆԿ՝ ամփոփելու եւ միասին նշելու նվաճումները:
ՙՄեկ տարվա ընթացքում նման ցուցանիշներն իրոք տպավորիչ են՚,- իր ողջույնի խոսքը ներկաներին ուղղեց ՀԱՅԲԻԶՆԵՍԲԱՆԿԻ Վարչության նախագահ Արտավազդ Սարգսյանը: Նա շնորհավորեց եւ շնորհակալություն հայտնեց այդ գործառույթի հետ անմիջական կապ ունեցող Բանկի աշխատակիցներին եւ փոքր բիզնեսի հատվածի հաճախորդներին: Վարչության նախագահը նշեց, որ ի դեմս մեր Բանկի՝ նրանք ունեն մշտական եւ հուսալի ֆինանսական գործընկեր:
Փոքր բիզնեսի ներկայացուցիչների համար ՀԱՅԲԻԶՆԵՍԲԱՆԿԻ կողմից առաջարկվող վարկային բոլոր պրոդուկտներն առանձնանում են գործարքների ձեւակերպումների օպերատիվությամբ, վարկի տրամադրման պարզությամբ եւ հաճախորդների նվազագույն ծախսատարությամբ: Բիզնեսի զարգացման համար գումար ստանալու այսպիսի պարզեցված պայմանները հետաքրքրում են Փոքր բիզնեսը ներկայացնող շատ կազմակերպությունների եւ անհատ ձեռնարկատերերի:
ՀԱՅԲԻԶՆԵՍԲԱՆԿԸ հավատարիմ է մնում իր կարգախոսին եւ հետագայում հաճախորդներին կմատուցի ձեռքբերման եւ օգտագործման առումով մատչելի եւ պարզ պրոդուկտներ, որոնք կբարձրացնեն նրանց ֆինանսական կայունությունը եւ կստեղծեն բոլոր պայմանները սեփական տանը հուսալի ապագա կառուցելու համար:
ՀԱՅԲԻԶՆԵՍԲԱՆԿ, ապագայի հուսալի ճանապարհ…
Բանկը վերահսկվում է ՀՀ ԿԲ կողմից: