Ռուսաստանի եւ ԱՄՆ-ի նախագահներ Վլադիմիր Պուտինն ու Դոնալդ Թրամփը հեռախոսազրույցում քննարկել են կորոնավիրուսի համավարակին դիմակայելու միջոցները։ Ինչպես հայտնում է Կրեմլի մամուլի ծառայությունը, զրույցը տեղի է ունեցել ամերիկյան կողմի նախաձեռնությամբ։
«Պետությունների ղեկավարները լուրջ մտահոգություն են հայտնել՝ աշխարհում կորոնավիրուսի տարածման չափերի հետ կապված, եւ տեղեկացրել են միմյանց ՌԴ-ում ու ԱՄՆ-ում այդ սպառնալիքին դիմակայելու համար նախաձեռնված միջոցների մասին։ Քննարկվել են այդ ուղղությամբ երկու երկրների առավել սերտ համագործակցության հնարավորությունները։
Կարծիքներ են փոխանակվել նաեւ նավթի համաշխարհային շուկայի ընթացիկ վիճակի մասին։ Էներգետիկայի նախարարությունների մակարդակով այդ կապակցությամբ ռուս-ամերիկյան խորհրդակցություններ անցկացնելու պայմանավորվածություն է ձեռք բերվել։
Առաջնորդներն անդրադարձել են երկկողմ հարաբերություններին վերաբերող հարցերի։
«Վլադիմիր Պուտինը եւ Դոնալդ Թրամփը պայմանավորվել են անձնական շփումները» շարունակելու մասին»,- ասվում է հաղորդագրության մեջ։
