Չինաստանում գրանցվել է կորոնավիրուսով վարակման ավելի քան 1,5 հազար դեպք, որոնք ընթացել են առանց ախտանիշի, հաղորդում է ՏԱՍՍ-ը՝ հղում անելով ՉԺՀ առողջապահության եւ հիգիենայի հարցերով պետական հանձնաժողովին:
«Մարտի 30-ի դրությամբ՝ 1541 դեպք է գրանցվել, երբ հիվանդությունն ընթացել է առանց ախտանիշի: Դրանցից 205-ը բերովի դեպքեր են»,- ասվում է հաղորդագրության մեջ:
Նշվում է, որ նման մարդիկ կարող են վարակել առողջ մարդկանց:
Իշխանությունների խոսքով՝ ապրիլի 1-ից ամեն օր կհրապարակվեն նրանց մասին վիճակագրական տվյալներ:
Վերջին տվյալների համաձայն՝ աշխարհում վարակվել է ավելի քան 760 հազար մարդ, մահացել գրեթե 37 հազարը:
