COVID-19-ով վարակման առաջին դեպքն է հաստատվել Աբխազիայում, ՌԻԱ Նովոստի-ին հայտնել է հանրապետության գլխավոր սանիտարական բժիշկ, կորոնավիրուսային վարակից բնակչության պաշտպանության համակարգող շտաբի անդամ Լյուդմիլա Սկորիկը։
Երկուշաբթի երկու պացիենտներ կորոնավիրուսի կասկածով հոսպիտալացվել էին Գուդաուտա քաղաքի կենտրոնական շրջանային հիվանդանոց։ Աբխազիայում արտակարգ դրություն է սահմանվել կորոնավիրուսի համավարակի պատճառով։ Երկրի նախագահ Վալերի Բգանբան ապրիլի 7-ին Ռուսաստանի հետ սահմանները բոլոր քաղաքացիների համար փակելու հրամանագիր է ստորագրել։ «Պացիենտներից մեկի մոտ կորոնավիրուսի թեսթը դրական է եղել»,- հայտարարել է Սկորիկը։