Իսրայելի ԱԳՆ սփյուռքի եւ համաշխարհային կրոնների գործերով դեպարտամենտի ղեկավար Ակիվա Տորը հայտնել է շտկումների մասին, որոնք կորոնավիրուսի համավարակը կատարել է Երուսաղեմում Տիրոջ Գերեզմանի Տաճարում Սուրբ կրակի իջեցման արարողությունում, որը նախորդում է ուղղափառ Զատկին, հայտնում է «ՄԿ»-ն:
Այս տարի Ավագ Շաբաթին (ապրիլի 18) արարողությունը կորոնավիրուսի տարածման կանխարգելիչ միջոցառումների պատճառով կանցկացվի առանց ուխտավորների ներկայության եւ մասնակիցների սահմանափակ թվով:
Տիրոջ Գերեզմանի Տաճար կմտնեն շուրջ տասնյակ մարդիկ՝ հազարավոր ուխտագնացների փոխարեն, ինչպես սովորաբար լինում է: Հոգեւորականների հետ միասին Տաճար կմտնեն մի քանի լրագրողներ, որոնք լուսաբանելու են արարողությունը:
Տիրոջ Գերեզմանի մատուռ կմտնեն Երուսաղեմի պատրիարքը եւ Հայ առաքելական եկեղեցու Երուսաղեմի պատրիարքարանի ներկայացուցիչը: Տաճարում կլինեն նաեւ Ղպտի եւ Սիրիական եկեղեցիների հոգեւորականներ:
Մնացյալ ուղղափառ (Ռուսական ուղղափառ, Վրացական, Ուկրաինական ուղղափառ, Մոլդովական, Ռումինական) եկեղեցիների ներկայացուցիչները, որոնք ավանդաբար ներկա են լինում Տաճարում, կրակը կստանան փողոցում:
Անոթների մեջ կրակը կհասցվի օդանավակայան, որտեղ օդանավերում սպասելու են պատվիրակությունները, որոնք էլ կրակը հասցնելու են իրենց երկրներ:
