Վրաստանի իշխանությունները սպառնացել են հետ կանչել Կիեւում իր դեսպանին, եթե Սաակաշվիլին Ուկրաինայի փոխվարչապետ նշանակվի, հաղորդում է «Սպուտնիկ Գրուզիա»-ն:
Նման հայտարարությամբ հանդես է եկել Վրաստանի վարչապետ Գեորգի Գախարիան:
Նա խոսքով՝ նման նշանակումը պարզապես անընդունելի է Թբիլիսիի համար:
«Մեր ռազմավարական գործընկերոջ կողմից փոխվարչապետ նշանակելը մի մարդու, ով ծանր հանցանք է գործել եւ հետապնդման մեջ է գտնվում, անընդունելի է: Նման նշանակման դեպքում մենք կպատասխանենք, հետ կկանչենք մեր դեսպանին»,-ասել է Գախարիան:
Ավելի վաղ Վրաստանի նախկին նախագահ Միխայիլ Սաակաշվիլին հայտարարել է, որ Ուկրաինայի նախագահ Վլադիմիր Զելենսկին իրեն առաջարկել է դառնալ Ուկրաինայի փոխվարչապետ:
Ավելի ուշ նա հայտարարել է, որ Զելենսկին իրեն հանձնարարել է բանակցություններ վարել ԱՄՀ-ի հետ:
Հիշեցնենք, որ Սաակաշվիլին Ուկրաինայի քաղաքացիություն էր ստացել 2015 թվականին եւ նշանակվել էր Օդեսայի նահանգապետ: Սակայն 2017 թվականի հուլիսի 26-ին Ուկրաինայի հինգերորդ նախագահ Պյոտր Պորոշենկոն դադարեցրել էր Սաակաշվիլիի քաղաքացիությունը: 2018-ի փետրվարի 12-ին սահմանապահները Սաակաշվիլիին Ուկրաինայից Լեհաստան էին ուղարկել հետընդունման գործընթացի շրջանակներում: Նրա մուտքն Ուկրաինա արգելված էր մինչեւ 2021 թվականը: Սահակաշվիլիի` Ուկրաինայի քաղաքացու կարգավիճակի վերականգնումից ՈւՊՍԾ-ում հայտարարեցին, որ նրանք չեն կարող խոչընդոտել քաղաքացու մուտքը երկրի տարածք: Քաղաքական գործիչը Ուկրաինա է վերադարձավ 2019 թվականի մայիսի 29-ին: Ավելի ուշ նա հայտարարեց Ուկրաինայի խորհրդարանական ընտրություններին իր կուսակցության անկախ մասնակցության մասին:
Նշենք, որ Վրաստանում Թբիլիսիի քաղաքային դատարանը Սաակաշվիլիին մեղավոր է ճանաչել 2005-ին պատգամավոր Վալերի Գելաշվիլիին ծեծի ենթարկելու գործով եւ դատապարտվել է 6 տարվա ազատազրկման: Բացի այդ, Վրաստանում Սաակաշվիլիին դատապարտել են 3 տարվա ազատազրկման մեկ այլ գործով` լիազորությունները չարաշահման համար: Խոսքը «Վրաստանի բանկի» աշխատակից Սանդրո Գիրգվլիանիի սպանության գործով ձերբակալվածներին ներում շնորհելու մասին է:
