Եվրահանձնաժողովը 1 միլիարդ եվրո է հատկացնում COVID-19 կորոնավիրուսի առաջարած հիվանդության դեմ պատվաստանյութ մշակելու համար, հայտարարել է ԵՀ նախագահ Ուրսուլա ֆոն դեր Լյայենը՝ այս նպատակների համար միջոցների հանգանակության նպատակով մայիսի 4-ին կայացած Եվրամիության առցանց մամուլի ասուլիսում, որն անցել է Global Responce կարգախոսի ներքո, հայտնում է DW-ն։
Իր հերթին, Գերմանիայի կանցլեր Անգելա Մերկելը հայտարարել է, որ ԳԴՀ-ն 525 միլիոն եվրո կտրամադրի կորոնավիրուսի դեմ պատվաստանյութ մշակելու համար: 500 միլիոն եվրո կնվիրաբերի Ֆրանսիան, ասել է նախագահ Էմանուել Մակրոնը: Իսպանիան, երկրի վարչապետ Պեդրո Սանչեսի խոսքերով, պատրաստ է ընդհանուր հաշվին վճարել 125 միլիոն եվրո:
Ինչպես ասել է ՄԱԿ-ի գլխավոր քարտուղար Անտոնիո Գուտերիշը, COVID-19-ի բուժումը պետք է ընկալվի որպես գլոբալ հանրային բարիք եւ հասանելի լինի բոլորի համար:
Իր հերթին, Առողջապահության համաշխարհային կազմակերպության (ԱՀԿ) ղեկավար Թեդրոս Ադհան Գեբրեեսուսը նշել է, որ հիմնական մարտահրավերը ոչ թե պատվաստանյութը, որպես այդպիսին, մշակելն է, այլ այն դրա կարիքն ունեցող բոլոր պացիենտներին առաքելը, ինչպես նաեւ COVID-19- ի բուժումը բոլորին հասանելի դարձնելը:
Ինչպես տեղեկացվում է Twitter-ում Եվրահանձնաժողովի էջում, ակցիայի սկզբնական նպատակը 7,5 միլիարդ եվրո հավաքելն է՝ COVID-19- ի դեմ պատվաստանյութ ստեղծելու համար:
