![](img/news/05/78/09/default.jpg)
Այն, թե Իրանում քաղաքական կյանքը բացակայում է, ճիշտ չէ։ NEWS.am-ի թղթակցի հետ զրույցում այս մասին հայտարարեց ռուսաստանցի իրանագետ Կարինե Գեւորգյանը՝ պատասխանելով Իրանի ղեկավարության միջեւ առկա տարաձայնությունների մասին հարցին։
Փորձագետը նշեց, որ Իրանի նախագահ Մահմուդ Ահմադինեժադի եւ հոգեւոր առաջնորդ այաթոլլա Ալի Խամենեիի միջեւ տարաձայնություններ վաղուց կան։ Խամենեին գնում էր երկրի շրջաններ, հանդիպում երիտասարդների հետ, քարոզում իր տեսակետները։ «Քանի որ Ահմադինեժադը չի կարող բացահայտ դեմ դուրս գալ այաթոլլային, իր դժգոհությունն արտահայտում է նրանով, որ չի ներկայանում նախարարների հետ հանդիպումներին»,- նկատեց փորձագետը։
Ընդ որում, փորձագետի խոսքով, տարաձայնությունները ժողովրդից այլեւս չեն թաքցվում։ Բանն այն է, որ Իրանն ինչ-որ բանում նման է ԱՄՆ-ին. կան հարցեր, որոնց կապակցությամբ կոնսենսուս կա։ Օրինակ, միջուկային ծրագիրը կամ պաշտպանական հարցերը եւ այլն։