Մեկուսացման ռազմավարությունը փոխվում է եւ արդեն հյուրանոցներ են տեղափոխվելու այն վարակակիրները, որոնք կլինիկական սիմպտոմներ չունեն։ Այս մասին այսօր՝ մայիսի 14-ին, մամուլի ասուլիսին հայտնեց ՀՀ առողջապահության նախարարի տեղակալ Լենա Նանուշյանը։
«Թվերը բարձրանալու դեպքում մեր ռազմավարությունը փոխելու ենք եւ փոխել ենք արդեն, ներկայումս մեր ռազմավարությունը կարանտինի մեկուսացման ուղարկելու հատուկ վայրերում, որոնք հյուրանոցներն էին, տեղակայելու ենք այն հիվանդներին, որոնք որեւէ կլինիկական սիմպտոմներ չունեն եւ դրանով փորձելու ենք միաժամանակ փորձելու ենք զերծ պահել հիվանդներին տուն ուղարկելուց։ Միաժամանակ, այն պահից սկսած, երբ մենք չենք կարողանա ապահովել իրենց նկատմամբ բժշկական հսկողությունը, նույն այդ հյուրանոցներում եւ հիվանդանոցներում նույնպես, անցնելու ենք նույն ռազմավարությանը եւ բոլոր թեթեւ ձեւերին թողնելու ենք տանը եւ բժշկական հսկողություն ենք սահմանելու նրանց նկատմամբ»,- ասաց նա։
