Կամբոջան վերացրել է Իրանից, Իտալիայից, Գերմանիայից, Իսպանիայից, Ֆրանսիայից եւ ԱՄՆ-ից այցելուների մուտքի արգելքը, որը սահմանվել էր կորոնավիրուսի տարածումը զսպելու համար, հայտնում է Reuters-ը:
Չնայած մեղմացումներին՝ օտարերկրյա այցելուները պետք է վկայագիր ունենան, որը հաստատում է, որ նրանք վարակված չեն նոր կորոնավիրուսով, իսկ Կամբոջայում 50.000 դոլարի բժշկական ապահովագրության հաստատում, հայտնում են երկրի առողջապահության նախարարության հաղորդագրության մեջ:
Նրանք նաեւ պետք է 14 օր կարանտին անցնեն ժամանումից հետո եւ կորոնավիրուսի ախտորոշման թեստ հանձնեն:
Անցյալ շաբաթ օրը երկրի առողջապահության նախարարությունը հայտնել էր, որ կորոնավիրուսով վարակված վերջին հիվանդը ապաքինվել եւ դուրս է գրվել հիվանդանոցից:
Կամբոջան հայտարարել է COVID-19 վիրուսով վարակման 122 դեպքի մասին, վիրուսից մահվան դեպքեր չեն գրանցվել:
