![](img/news/58/00/18/default.jpg)
Մեքսիկայի Նուեվո-Լեոն նահանգում տեղացել է կորոնավիրուսի ձեւով կարկուտ: Արտասովոր երեւույթի լուսանկարներ են հրապարակում Twitter-ի եւ Instagram-ի օգտատերերը, փոխանցում է Gazeta-ն:
Լուսանկարներից դատելով՝ տեղացած կարկտահատիկների վրա երեւում են «սեպեր», որոնք իրենց ձեւով նման են մանրադիտակի տակ կորոնավիրուսի պատկերին: Վախեցած տեղացիները պատահարի մեջ համավարակի շրջանում «Աստծո ուղերձն» են տեսնում:
Բնական նման երեւույթի մասին են հայտնել նաեւ աշխարհի հակառակ ծայրում: Twitter-ի օգտատեր Arlene Lee-ն ցույց է տվել համանման կարկուտի լուսանկար, որը մայիսի 19-ին տեղացել է Չինաստանի Ցինդաո քաղաքում:
Համացանցի լուսանկարներն ուսումնասիրել է Օդերեւութաբանության համաշխարհային կազմակերպության օդերեւութաբան Ժոզե Միգել Վինասը: Նա հայտնել է, որ դրա մեջ ոչ մի գերբնական բան չկա. ուժեղ փոթորիների ժամանակ տարբեր չափերի կակրկտահատիկները միմյանց հարվածվելիս կոտրատվում են եւ ստանում ամենաարտասովոր ձեւեր: