![](img/news/58/00/51/default.jpg)
Մայիսի 26-ին ՀԱՊԿ երկրների արտգործնախարարները կքննարկեն համատեղ պայքարը կորոնավիրուսի դեմ, հայտարարել է Ռուսաստանի արտգործնախարարության խոսնակ Մարիա Զախարովան, փոխանցում է «ՌԻԱ Նովոստի»-ն:
Ըստ նրա՝ ՀԱՊԿ Արտաքին գործերի նախարարների խորհրդի նիստը կանցկացվի Ռուսաստանի Դաշնության արտաքին գործերի նախարար Սերգեյ Լավրովի նախագահությամբ՝ վիդեոկոնֆերանսի ձեւաչափով: «Նախատեսվում է մի շարք համատեղ հայտարարություններ ընդունել, մասնավորապես՝ Մեծ հաղթանակի 75-ամյակի կապակցությամբ, կորոնավիրուսի դեմ պայքարում համերաշխության եւ փոխօգնության վերաբերյալ»,- ասել է Զախարովան: