News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Մադրիդ եւ Բարսելոնա ինքնավար համայնքը երկուշաբթի օրվանից կորոնավիրուսի տարածումը զսպելու համար ներդրված սահմանափակիչ միջոցների մեղմման նոր փուլ է տեղափոխվում: Ընդ որում, բնակչության մեծ մասն այս փուլին էր անցել դեռ մեկ շաբաթ առաջ, փոխանցում է ՏԱՍՍ-ը:
Թագավորության իշխանություններն ի սկզբանե նախազգուշացնում էին, որ միջոցառումների մեղմացումը կարող է տարբեր տեմպերով ընթանալ՝ կախված իրավիճակից կոնկրետ տարածաշրջանում կամ նահանգում: Երկուշաբթի օրվանից Մադրիդի եւ Բարսելոնայի բնակիչներին թույլատրվում է հանդիպել ընկերների եւ հարազատների հետ, ովքեր ապրում են նույն նահանգում: Ընդ որում, դեռ չի կարելի հավաքվել խմբերով, որոնց թիվը գերազանցում է 10 մարդը:

Փողոցում զբոսնել եւ սպորտով զբաղվել դեռ անհրաժեշտ է այն ժամանակահատվածներում, որոնք ավելի վաղ սահմանվել էին մարդկանց տարբեր խմբերի համար: Բացի այդ, իսպանացիներին դեռ չի թույլատրվում դուրս գալ այն նահանգի սահմաններից դուրս, որտեղ նրանք բնակվում են: Ռեստորանները, բարերը եւ սրճարանները կկարողանան բացել իրենց տեռասներն այցելուների համար, սակայն միաժամանակ կարող է զբաղեցվել սեղանների ընդհանուր թվի միայն 50 տոկոսը, որոնք պետք է ախտահանվեն յուրաքանչյուր հաճախորդից հետո: Մասնակիորեն կարող են վերսկսել իրենց աշխատանքը նաեւ մարզադահլիճները, թանգարանները եւ եկեղեցիները: Կրկին կբացվեն նաեւ հյուրանոցները, սակայն՝ առանց ընդհանուր օգտագործման գոտիների, ճաշի սրահները եւ լողավազանների: Այս փուլում թույլատրվում է նաեւ որսը եւ ձկնորսությունը:

Միեւնույն ժամանակ, երկրի բնակչության գրեթե կեսը բնակվում է այնպիսի շրջաններում, որոնք երկուշաբթի օրվանից սպասում են իշխանությունների հայտարարած սահմանափակումների թուլացման չորս փուլերից երրորդին: Այս փուլում իսպանացիներին դեռ չի թույլատրվում դուրս գալ իրենց մարզերի սահմաններից, բայց փողոցում զբոսնելու եւ սպորտով զբաղվելու համար ժամային սահմանափակումները հանվում են:

Թույլատրվում են հանդիպումները մտերիմների հետ՝ առավելագույնը 15 հոգով: Սրճարաններն ու ռեստորանները այժմ կարող են սպասարկել հաճախորդներին հաստատությունների ներսում, այլ ոչ միայն՝ տեռասներում, ինչպես մեղմացման նախորդ փուլում էր: Այնուամենայնիվ, միաժամանակ կարող է զբաղեցվել սեղանների ընդհանուր թվի ոչ ավել, քան 40 տոկոսը:

Այս փուլում կրկին բացվում են լողափերն ու լողավազանները, առեւտրի կենտրոնները, թատրոնները, կինոթատրոնները, մարզադահլիճները՝ մարդկանց միաժամանակ այցելության սահմանափակ թվով:  Բացի այդ, կարելի է նաեւ հարսանիք տոնել, սակայն հյուրերի քանակը չպետք է գերազանցի 50 մարդը, եթե արարողությունը տեղի է ունենում փակ տարածքում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կասեցումներ «Սուրմալու» եւ «Փեթակ» առեւտրի կենտրոներում
Շուկայի վերահսկողության տեսչական մարմինը կատարել է կասեցումներ Երեւան քաղաքի «Սուրմալու» եւ «Փեթակ» առեւտրի կենտրոներում...
Գագիկ Ծառուկյանը մեկուսացել է իր առանձնատանը, նա բժիշկների հսկողության տակ է. պաշտպան
Նա նշեց, որ երեքշաբթի դատական նիստ է նշանակված Վերաքննիչում, որն ամենայն հավանականությամբ…
Բրազիլիայի առողջապահական կարգավորիչը հաստատել է կորոնավիրուսի դեմ չինական պատվաստանյութի փորձարկումները
Sinovac-ի հետ պայմանագիրը ոչ միայն փորձարկումներ է ենթադրում, այլեւ՝ դեղամիջոցի տեխնոլոգիայի փոխանցում տեղական պատվաստանյութերի արտադրության համար․․․
Հուլիսի 4․ Ոստիկանության ուժեղացված ստուգայցերը շարունակվում են. մեկ օրում իրավախախտման 3028 դեպք
ՀՀ ոստիկանության արտաքին ծառայության ստորաբաժանումների արտակարգ…
Աշխարհում կորոնավիրուսով վարակման դեպքերի թիվը գերազանցել է 11 միլիոնը
Կորոնավիրուսով վարակման գրանցված դեպքերի թվով առաջատարը շարունակում է մնալ ԱՄՆ-ն․․․
Պացիենտների բուժօգնությունն իրականացվում է 19 ԲԿ-ներում, որից 12-ը` Երևանում. պարետը նոր տվյալներ է ներկայացրել
Սկզբնական փուլում կորոնավիրուսային հիվանդության հայտնաբերման նպատակով իրականացվող օրական…