Ամերիկյան միլիարդատերերի, այդ թվում՝ Amazon-ի հիմնադիր Ջեֆ Բեզոսի եւ Facebook-ի գլխավոր տնօրեն Մարկ Ցուկերբերգի գումարային հարստությունը ԱՄՆ-ում COVID-19 համավարակի սկզբից աճել է 19%-ով կամ կես տրիլիոնով, հայտնում է Reuters-ը՝ հղում անելով Քաղաքական հետազոտությունների ինստիտուտին (IPS)։
Մարտի 18-ից սկսած, 11 շաբաթների ընթացքում,Ամերիկայի ամենահարուստ մարդկանց կարողությունը աճել է ավելի քան 565 միլիարդ դոլարով, այն դեպքում, երբ 42,6 միլիոն մարդ գործազրկության նպաստ ստանալու դիմում է ներկայացրել։ «Այս վիճակագրական տվյալները հիշեցնում են, որ մենք այժմ ավելի շատ ենք տնտեսապես եւ ռասայաբար բաժանված, քան տասնամյակների ընթացքում երբեւէ»,- ասել է զեկույցի համահեղինակ Չակ Քոլինզը։
11-շաբաթյա ժամանակահատվածում Բեզոսի կարողությունը աճել է մոտ 36,2 միլիարդ դոլարով, իսկ Ցուկերբերգինը՝ 30,1 միլիարդ դոլարով։ Tesla-ի գլխավոր տնօրեն Իլոն Մասկն իր կարողությունն ավելացրել է 14,1 միլիարդ դոլարով։