Իրանում կախարդության եւ մոգության օգնությամբ պետական կառավարման մեղադրանքով ձերբակալվել են Ահմադինեժադի մի քանի կողմակիցներ։

Այս իրադարձությունը նշան է դարձել Իրանի նախագահ Ահմադինեժադի եւ այաթոլլա Ալի Խամենեի միջեւ պայքարի սրացման։ Ինչպես հայտնի է, հոգեւոր առաջնորդի տիտղոսը կրող Խամենեին երկրի ամենազդեցիկ դեմքն է եւ նրան պարտական է ենթարկվել անգամ Իրանի նախագահը, հայտնում է NEWSru.com-ը։

Նորությունների իրանական Ayandeh կայքը հայտնել է, որ ձերբակալվածներից մեկը՝ Աբաս Գաֆարին, կապ ունի «անհայտ աշխարհների» հետ։ Ձերբակալվել է նախագահի աշխատակազմի ղեկավարին մոտ կանգնած շուրջ 25 մարդ։

Աշխարհիկ եւ հոգեւոր իշխանությունների միջեւ հակամարտությունը ծագել էր իմամ Մահդիի անխուսափելի հարությանը նվիրված վավերագրական ֆիլմի էկրան  բարձրանալուց հետո։

Ահմադինեժադի վեաբերմունքն այս հարցի առնչությամբ լավ է հայտնի։ Նա Մահդիին հաճախ է հիշատակում իր խոսքում, իսկ 2009 թվականին անգամ հայտարարել էր, որ Մահդիի հարությանը խոչընդոտում է ԱՄՆ-ը։