ՀՀ առողջապահության նախարարությունը դիմել է ՀՀ արտգործ նախարարություն, որպեսզի վերջինս արտերկրում Հայաստանի դեսպանատների հետ քննարկի կորոնավիրուսի դեմ պայքարում Հայաստանին լրացուցիչ աջակցություն տրամադրելու հնարավորությունը։ Այս տեղեկությունը NEWS.am-ի հետ զրույցում հաստատեց Առողջապահության նախարարի խոսնակ Ալինա Նիկողոսյանը։
Հարցին, թե, մասնավորապես, ի՞նչ աջակցության մասին է խոսքը, խոսնակը պատասխանեց. «Աջակցության տարբեր ուղղություններով ենք դիմել, այդ թվում՝ կորոնավիրուսի համավարակի շրջանակում»։
Հարցին՝ թե կոնկրետ կորոնավիրուսի դեմ պայքարի շրջանակում արտերկրից ինչ աջակցություն է անհրաժեշտ Հայաստանին, Ալինա Նիկողոսյանն ասաց, որ այդ հարցին կպատասխանի գրավոր։
Նշենք, որ ըստ yerevan.today-ի՝ ՀՀ ԱՆ-ն դիմել է ՀՀ ԱԳՆ-ին՝ հրատապ կարգով դեսպանների հետ քննարկել արտասահմանցի բժիշկների հրավիրելու տարբերակները՝ հետեւյալ մասնագետների կազմով՝ ռեանիմատոլոգներ, համաճարակաբաններ, ինֆեկցիոնիստներ, ՊՇՌ տեստավորողներ:
Ըստ կայքի՝ ԱՆ-ից ստացված դիմում–խնդրանքի մյուս մասը վերաբերում է կորոնավիրուսով վարակված ծանր դեպքերին, մասնավորապես՝ այն հիվանդների, որոնց մոտ վարակի ախտահարումով սրվել են այլ հիվանդություններ: Նախարարությունն ակնկալում է՝ դեսպանատների միջոցով տարբեր երկրների առողջապահական կառույցների հետ քննարկել ծանր հիվանդների հետագա բուժումը արտասահմանում շարունակելու հնարավորությունը և այդ գործընթացը կազմակերպելու ելքեր
