Եվրոպայի ամենախոշոր բանկերից մեկը՝ բրիտանական HSBC-ն նախատեսում է միջնաժամկետ հեռանկարում համավարակի հետեւանքով տնտեսական կորուստների պատճառով կրճատել 35 հազար մարդու հաստիք: Այս մասին այսօր հայտնել է Reuters գործակալությունը՝ վկայակոչելով ընկերության տարածած ներքին նամակը:
Գործակալության տեղեկություններով՝ բանկը նաեւ գրեթե ամբողջությամբ կդադարեցնի նոր աշխատակիցների ընդունումը: «Մենք չէինք կարող անորոշ ժամկետով կրճատումները կասեցնել, դա միշտ եղել է «ե՞րբ, այլ ոչ թե եթե» հարց»,- նշված է ըներության գլխավոր տնօրեն Նոել Քուինի նամակում:
Բանկն ապրիլին հայտնել էր առաջին եռամսյակում շահույթի 48 տոկոսի կրճատման մասին, ցուցանիշների նվազումը տեղի էր ունեցել գլխավորապես ընկերության հաճախորդների վրա համավարակի հետեւանքների ազդեցության պատճառով: