ՀՀ երկրորդ նախագահ Ռոբերտ Քոչարյանի եւ մյուսների գործով դատական նիստի անցկացումը հարցականի տակ է, քանի որ փաստաբաններից մեկի մոտ կարող է կորոնավիրուսի լինել:
Յուրի Խաչատուրովի փաստաբան Միհրան Պողոսյանն նախորդ նիստին դատարանին հայտնեց, որ ախտանիշներ չունի, բացառությամբ նրա, որ երկրոդ օրը ջերմությունը 36,9 է եղել: Նա թեստ է հանձնել, եւ արդյունքը բացասական է եղել: Սակայն բուժկենտրոնում նրան ասել են, որ պետք է կրկին թեստ հանձնի:
Փաստաբան Կարեն Մեջլումյանը հայտնեց, որ տարել է վարակը:
Փաստաբան Հայկ Ալումյանը նշեց, որ եթե դատարանը կարող է ապահովել սոցիալական հեռավորությունը, ապա նիստն անցկացնելու որեւէ խնդիր չկա: Նրա խոսքով՝ քանի դեռ դատարանը նման հնարավորություն չի տվել, պրոցեսը հակասում է բոլոր հայտարարություններին, որոնք ամեն օր լսում ենք իշխանություններից:
«Դատարանը պետք է հաշվի առնի, որ հեռավորությունը պետք է լինի 1,5-2 մետր, այսինքն՝ յուրաքանչյուրին մոտ 9 քառակուսի մետր: Այժմ այստեղ կա 24 մարդ, այսինքն՝ անհրաժեշտ է 200 քառակուսի մետր: Եթե դա չի արվում, ապա դա պարետատան պահանջների անտեսում է»,-ասաց նա:
Փաստաբան Արամ Վարդեւանյանը հիշեցրեց, որ հարցը վերաբերում է բոլոր ներկաների առողջությանը, եւ չի կարելի անտեսել դա: Նա ուշադրություն դարձրեց դահլիճում պատուհանների բացակայությանը եւ հետաքրքրվեց՝ որքան հաճախ է ախտահանվում դահլիճը:
Փաստաբան Հովհաննես Խուդոյանը հիշեցրեց, որ նախորդ նիստին բարձրացրել է այդ հարցը, եւ որ փորձը ցույց է տվել, որ մի մասնակցի հիվանդությունը դադարեցնում է ամբողջ պրոցեսը:
Փաստաբան Էրիկ Ալեքսանյանը համաձայնեց գործընկերների հետ:
«Ես չեմ վախում վարակից, այլ չեմ ցանկանում սպառնալիքի տակ դնել ուրիշների առողջությունը: Այժմ իմ վիճակն ինձ չի խանգարում մասնակցել նիստին»,-նշեց Միհրան Պողոսյանը:
Դատավորը հայտնեց, որ նիստերը մշտապես անցկացվում են եւ ամեն նիստից հետո ախտահանելու հնարավորություն չկա:
Դատախազ Գեւորգ Պետրոսյանը համաձայնեց սոցիալական հեռավորություն պահպանելու անհրաժեշտության հետ, սակայն պաշտպանության միջնորդությունն անվանեց պրոցեսը ձգձգելու փորձ: Դատախազ Պետրոս Պետրոսյանը համաձայնեց իր գործընկերոջ կարծիքի հետ:
Տուժող կողմի ներկայացուցիչ Տիգրան Եգորյանը խոստովանեց պաշտպանության առաջադրած պահանջների օբյեկտիվությունը եւ նշեց, որ իրեն եւս մտահոգում է ախտահանման հարցը:
Դատավորն առաջարկեց օգտագործել դահլիճի երկրոդ մասն ու տեղափոխվել դիտորդական դահլիճ: Փաստաբանները նշեցին նման որոշման տեխնիկական խնդիրները: